වෙඩිල්ල තිව්වෙ වඳුරට වැදුනේ ඇයට...
Aruna
in ශ්‍රී ලංකාවගම්පොල වේලම්බොඩ ප්‍රදේශයේ පුද්ගලයෙක් රිලවෙකුට තැබූ වෙඩිල්ලක් හැත්තෑ ද‍ෙහැවිරිදි කාන්තාවකගේ ඇසතුලට වැදී ඇය බරපතල තුවාල ලබා ගම්පොළ ශික්ෂණ රෝහලට ඇතුළත් කර ඇත.
මෙම වෙඩි වැදීම සමඟ ඇය අසල සිටි වයස අවුරුදු දොළහක් වූ ඇගේ මිණිබිරියද සුළු තුවාල ලබා ඇති අතර අට්ගම්පොළ කීරපන ප්‍රදේශයේ පදිංචි මෙම කාන්තාව ඇගේ දියණියගේ නිවසට ගොස් මිනිපිරිය සමඟ එලිමහනේ රැදී සිටියදී මෙම අනතුරට මුහුණපා ඇතැයි වේලම්බොඩ පොලීසිය පවසයි.
පැවැත්වූ පරීක්ෂණ අනුව නිවසට මීටර පනහක් දුරින් පිහිටි නිවසක ඉදිරිපිට ඇති කොස් ගසක සිදුව තිබූ තුවාල හා තවත් ගසක සිදුවූ පොතු ගැලවීම් තිබීමෙන් ඒ අසල නිවැසියාගෙන් ප්‍රශ්න කිරීමෙන් මෙම වෙඩි ප්‍රහාරය කෙලෙස එල්ලවූයේද යන්න සොයා ගැනීමට හැකි වී ඇත.
ඒ එම පුද්ගලයා නිවසේ උඩුමහලේ සිට පහළට බෝර දොළහ තුවක්කුවකින් වෙඩි තැබීම නිසා මෙම අනතුර සිදුව ඇතැයි හෙළිවීමෙන් පසු ඔහු අත්අඩංගුවට ගත්බව පොලීසිය පැවසීය.
