ජූනි 03 සිට වැසුණු පාසල් යළි විවෘත කිරීම ගැන දැන් ලැබුණු අලුත්ම ආරංචිය මෙන්න.

ගංවතුර තත්ත්වය පහවගොස් ඇති ප්‍රදේශවල පාසල් විවෘත කරන ලෙසට බස්නාහිර පළාතේ සියලුම පාසල්වල විදුහල්පතිවරුන් වෙත බස්නාහිර පළාත් ආණ්ඩුකාර රොෂාන් ගුණතිලක විසින් උපදෙස් දී ඇති බවයි වාර්තා වන්නේ.

ජූනි 03 දින පැවති අයහපත් කාලගුණික තත්වය හේතුවෙන් දිවයිනේ සියලුම පාසල් නොපැවැත්වීමට අධ්‍යාපන අමාත්‍යාංශය තීරණය කර කරනු ලැබුවා.

මේ අතර, පවතින කාලගුණික තත්ත්වය හේතුවෙන් දිස්ත්‍රික්ක කිහිපයක පාසල් අද (05) දිනයේද වසා දමා ඇති අතර පළාත් අධ්‍යාපන දෙපාර්තමේන්තුව සඳහන් කළේ, ඒ අනුව ගාල්ල සහ මාතර සියලු පාසල් ද අද දිනයේත් වසා තැබෙන බවයි.

එමෙන්ම රත්නපුර කලාපයේ සියලු පාසල් ද අද වසා තබන බව ඊයේ (04) නිවේදනය කළා.