අද 5 ශ්‍රේණිය ශිෂ්‍යත්ව විභාගය පැවැත්වෙන විදිය මෙන්න..වැඩි විස්තර මෙතනින් දැනගන්න.

5 ශ්‍රේණිය ශිෂ්‍යත්ව විභාගය අද(18) දිනයේ පැවැත්වීමට මේ වන විටත් සියලු කටයුතු සූදානම් කර තිබෙනවා.

2022 වසරට අදාළ 5 ශ්‍රේණිය ශිෂ්‍යත්ව විභාගය පසුගිය අගෝස්තු මාසයේදී පැවැත්වීමට නියමිතව තිබුණ ද කොරෝනා වසංගතයත් සමග එම දෙසැම්බර් මාසය දක්වා කල් දැමුණා.

ඒ අනුව, අද විභාග මධ්‍යස්ථාන 2894 කදී අපේක්ෂකයන් තුන් ලක්ෂ 34,698 දෙනෙකු මෙවර ශිෂ්‍යත්ව විභාගය සඳහා පෙනී සිටීමට නියමිතයි.

පෙර වසරට සාපේක්ෂව මෙවර විභාගය පැවැත්වීමේ ක්‍රමවේදයේ යම් වෙනසක් සිදුකර ඇති අතර, ඒ සම්බන්ධයෙන් පැහැදිලි කරමින් විභාග කොමසාරිස් ජනරාල් එල්.එම්.ඩී.ධර්මසේන කියා සිටියේ දෙවන ප්‍රශ්න පත්‍රය මෙම වර්ෂයේ සිට පළමුව ලබාදීමට සැලසුම් කර ඇති බවයි.

ඒ අනුව අද දින උදෑසන 9.30සිට 11.15 දක්වා දෙවන ප්‍රශ්න පත්‍රය පැවැත්වෙන අතර 11.45 සිට 12.45 දක්වා පළමු ප්‍රශ්න පත්‍රය පැවැත්වීමට නියමිතයි.

ඒ අනුව මෙවර ශිෂ්‍යත්ව විභාගයට පෙනීසිටින සියලුම දරුවන්ට සාර්ථකව විභාගයට මුහුණදීමට ශක්තිය ලැබේවායි ගගන ප්‍රවෘත්ති අංශයේ අපි ප්‍රාර්ථනා කරන්නෙමු.