අද රෑ ඉන්ධන ගාස්තුවට මොකක් වෙයි ද?. මේ දැන් ලැබුණ ආරංචියක් මෙන්න..

අද (04) රාත්‍රියේ ඉන්ධන මිල ගණන් සංශෝධනයක් සිදුවනු ඇති බව වාර්තා වේ.

පෙබරවාරි මස අග දී මිල සංශෝධනයක් සිදුවිය යුතුව තිබුණේ ය.

එය අද දිනයේ දී සිදුවනු ඇති බව ලංකා ඛනිජ තෙල් නීතිගත සංස්ථාව සඳහන් කළේ ය.

එමෙන්ම, අද ඉන්ධන මිලෙහි විශාල වෙනසක් සිදුනොවනු ඇති බව ද වාර්තා වේ.

ඉන්ධන මිල සුත්‍රයට අනුව මාසිකව ඉන්ධන මිල සංශෝධනය කිරීමට සංස්ථාව පියවර ගෙන ඇත.

කෙසේ වෙතත්, අවසන් වරට පසුගිය ජනවාරි මස 31 වන දා ඉන්ධන මිල ගණන් සංශෝධනය විය.

ඒ අනුව ඔක්ට්‍රේන් 92 පෙට්‍රල්, ඔක්ටේන් 95 පෙට්‍රල්, සුපර් ඩීසල් සහ භූමිතෙල් මිල ඉහළ ගියේ ය.

මේ අතර, අද සිට ඉන්ධන බෙදුම්කරුවන්ගේ මාසික වට්ටම් මුදලින් සියයට 35ක පරිහරණ ගාස්තුවක් අයකර ගැනීමට ලංකා ඛනිජ තෙල් සංස්ථාව කටයුතු කිරීමට නියමිත බව ඉන්ධන බෙදුම්කරුවන්ගේ සංගමය චෝදනා කළේ ය.

ඒ සම්බන්ධයෙන් සම්පූර්ණ විස්තරය පහතින්,

අද සිට රට පුරා ඉන්ධන නැති වෙයි ද?.