උසස් පෙළ ආරම්භ වන අදත් විදුලි කප්පාදුව ක්‍රියාත්මකයි..

අධ්‍යයන පොදු සහතික පත්‍ර උසස් පෙළ විභාගය අද (23) දින ආරම්භ වුව ද පැය 02 යි විනාඩි 20 ක විදුලි කප්පාදුව තවදුරටත් ක්‍රියාත්මක බව ලංකා විදුලිබල මණ්ඩලය නිවේදනය කළේ ය.

කෙසේවෙතත් උසස් පෙළ පැවැත්වෙන කාලය තුළ විදුලි කප්පාදුවක් සිදුනොකරන ලෙසට තම කොමිසම විදුලිබල මණ්ඩලයට නිර්දේශ කර ඇති බව මහජන උපයෝගිතා කොමිසමේ සභාපති ජනක රත්නායක මහතා පැවසීය.

උසස් පෙළ විභාගය පැවැත්වෙන කාලසීමාව තුළ විදුලි කප්පාදුවක් සිදුනොකරන ලෙස කළ ඉල්ලීමට මහජන උපයෝගීතා කොමිසමේ සහ විදුලිබල මණ්ඩලයේ එකඟත්වය හිමි වූ බව විභාග කොමසාරිස් ජනරාල් අමිත් ජයසුන්දර ප්‍රකාශ කළේ ය.