කුඩු කතට උදව් කළ පොලිස් පරික්ෂකට වැඩ වැරදුනු හැටි.
Sri Lanka Police
Drugs
By Wayomi
Wayomi
in ශ්‍රී ලංකාවකාන්තාවකට මත්ද්‍රව්‍ය ජාවාරම සඳහා අනුබල දීමේ චෝදනාව මත පොලිස් විශේෂ කාර්ය බළකායේ පොලිස් පරීක්ෂකවරයකු අත් අඩංගුවට ගෙන තිබෙනවා.
ඇය පූගොඩ ප්‍රදේශයේ අයිස් මත්ද්‍රව්‍ය ජාවාරමේ නිරත වූ කාන්තාවක් වන අතර සැකකාර පොලිස් පරීක්ෂකවරයා පූගොඩ පොලිස් විශේෂ කාර්ය බළකා කඳවුරේ සේවය කළ සමයේදී එම කාන්තාවට මත්ද්‍රව්‍ය ජාවාරම ප්‍රවර්ධන සදහා අනුබල දී ඇති බවට අත්අඩංගුවේ පසු වන කාන්තාව ප්‍රකාශ කර තිබෙනවා.
ඇයගෙන් ලද තොරතුරුවලට අනුව අදාල සැකකාර පොලිස් පරීක්ෂකවරයා අත්අඩංගුවට ගත් බවයි කොස්ගම පොලිසිය සඳහන් කළේ.
එලෙස අත්අඩංගුවට ගෙන ඇත්තේ, රාජගිරිය ගෝනහේන විශේෂ කාර්ය බළකා කදවුරේ සේවය කරමින් සිටි අඹගස්වැව හිරියාල බක්මීවැව ප්‍රදේශයේ පදිංචිකරුවකු වන 40 හැවිරිදි පොලිස් පරීක්ෂකවරයෙක්.
