සැමියත් එක්කම 'අක්කා' අත්අඩංගුවට - ගහපු ප්ලෑන් සියල්ල හෙළි වෙයි?.
krishani
in ශ්‍රී ලංකාවඅනුරාධපුරය ප්‍රදේශයේ කාන්තාවක් පොලීසිය විසින් අත්අඩංගුවට ගෙන තිබෙනවා.
ඒ හෙරොයින් ජාවාරමේ නිරත වූ බවට සැකපිටයි.
මෙලෙස අත්අඩංගුවට ගෙන ඇත්තේ ''අක්කා'' නමැති අන්වර්ථ නාමයෙන් හඳුන්වන ජාවාරම්කාරියක් ය.
අණාවරණය වී ඇත්තේ සැකකාරිය බූස්ස බන්ධනාගාරයේ රඳවා සිටින "රැවුල් කුමාර" සහ "කොස්ගොඩ සුජී" නමැති ජාවාරම්කරුවන්ට අයත් මත්ද්‍රව්‍ය ජාවාරමේ නිරත වන බවටයි.
තඹුත්තේගම ප්‍රදේශයේ පදිංචි සැකකාර කාන්තාව සන්තකයේ තිබී හෙරොයින් ග්‍රෑම් 15කට ආසන්න ප්‍රමාණයක් ද පොලීසිය සොයාගෙන ඇත.
සැකකාරිය මෙලෙස අත්අඩංගුවට ගෙන ඇත්තේ අනුරාධපුර පොලිස් ස්ථානයේ කොට්‌ඨාස අපරාධ විමර්ශන ඒකකය විසින් සිදුකළ වැටලීමකදී ය.
එහිදී ඇයගේ සැමියාද පොලිස් අත්අඩංගුවට පත්ව ඇති අතර ඔවුන්ව අද අධිකරණය වෙත ඉදිරිපත් කිරීමෙන් අනතුරුව රැඳවුම් නියෝග ලබාගෙන වැඩිදුර විමර්ශන සිදුකිරීමට නියමිතය.
කෙසේ වෙතත්, සැකකාරිය සහ බූස්ස බන්ධනාගාරයේ රඳවා සිටින ජාවාරම්කරුවන් අතර දුරකථන සංවාද සිදුව ඇති බවට ද පොලීසිය තොරතුරු අනාවරණය කරගෙන ඇති බව සඳහන් වේ.
