අයිස් ගගහා හිටපු පොලිසියේ අයෙක් සහ යුධ හමුදාවේ දෙදෙනෙක් මාට්ටු වූ හැටි.

හෝමාගම හිරිපිටිය ප්‍රදේශයේ නිවසක් අසල අයිස් මත්ද්‍රව්‍ය පාවිච්චි කරමින් සිටි පොලිස් කොස්තාපල්වරයකු සහ යුධ හමුදා සෙබළුන් දෙදෙනකු අත්අඩංගුවට ගෙන තිබෙනවා.

ලද තොරතුරක් මත සිදු කළ විමර්ශනයකදී එම සැකකරුවන් ළඟ තිබී අයිස් මත්ද්‍රව්‍ය මිලි ග්‍රෑම් 60 බැගින් හමු වූ බවයි හෝමාගම මූලස්ථාන පොලිසිය සඳහන් කරන්නේ.

එලෙස අත්අඩංගුවට ගෙන ඇත්තේ, පොලිස් කොස්තාපල්වරයා පාර්ලිමේන්තු කොට්ඨාසයට අනුයුක්ත පොලිස් සහය තනතුරේ සිට පොලිස් කොස්තාපල් තනතුර දක්වා උසස්වීම් ලැබූ අයෙක් වන අතර යුද හමුදා සාමාජිකයන් දෙදෙනා ශ්‍රි ලංකා යුද හමුදා පොදු සේවා බළකායට අයත් පනාගොඩ කදවුරෙහි සේවය කරන අය බවට අනාවරණය වී ඇත.

මෙම සැකකරුවන් මොරටුව ලක්ෂපතිය, අඹකොටේ මැටියාපොත සහ නිකවැරටිය ගලපිටමඩ ප්‍රදේශයේ පදිංචිකරුවන්.