විදේශ ගමන් තහනමක් එක්ක නිශාන්ත වික්‍රමසිංහට ඇප

කොළඹ මහේස්ත්‍රාත් අධිකරණයෙන් දූෂණය නැමැති වරද යටතේ අල්ලස් කොමිසමෙන් අත්අඩංගුවට ගෙන රිමාන්ඩ් භාරයට පත් කර සිටි ශ්‍රී ලංකන් ගුවන් සමාගමේ හිටපු සභාපති නිශාන්ත වික්‍රමසිංහ මහතා ඇප මත මුදා හරින ලෙස නියෝග කර ඇති බව වාර්තා වේ. 

ඒ අනුව මෙම නියෝගය නිකුත් කර ඇත්තේ කොළඹ ප්‍රධාන මහේස්ත්‍රාත් තනූජා ලක්මාලී ජයතුංග මහත්මිය විසින්.

ඒ අල්ලස් කොමිසම සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් පසුවයි. 

මෙහිදී මහේස්ත්‍රාත්වරිය රුපියල් පනස් දහසක මුදල් ඇප සහ රුපියල් මිලියන 05 බැගින් වූ ශරීර ඇප තුනක් මත සැකකරු මුදා හැරීමට නියෝග කර ඇත.

එසේම සැකකරුගේ විදේශ ගමන් තහනම් කිරීමට ද නියෝග කර ඇති බව සඳහන්.