Omicron ගැන සොයාගත් අලුත්ම දේ..

මෙරට තුළ වේගයෙන් පැතිර යන ඔමික්‍රෝන් වෛරසයේ ව්‍යාප්තියත් සමඟ යම් පුද්ගලයෙකු කොවිඩ් ආසාදිතයෙකු වුවහොත් එම පුද්ගලයාගේ ආශ්‍රිතයින්ට ද වෛරසය වැලදීමේ ඉහළ ප්‍රවණතාවයක් පෙන්නුම් කරන බව විශේෂඥ වෛද්‍ය මල්කාන්ති ගල්හේන මහත්මිය පවසනවා.

මේ අතර, අඛණ්ඩව 14 වන දිනටත් දහස ඉක්ම වූ කොවිඩ් දෛනික ආසාදිතයින් සංඛ්‍යාවක් ඊයේ (12) දිනයෙත් මෙරටින් හඳුනා ගැනුණා.

ජනවාරි 30 වැනිදා සිට මේ දක්වා ගෙවුණු දින 14 ක කාලය තුළදී අඛණ්ඩව දහසේ සීමාව ඉක්මවමින් දෛනික කොවිඩ් ආසාදිතයින්ගේ සංඛ්‍යාවක් මෙරටින් හඳුනා ගැනුණා. ඊයේ වාර්තා වු කොවිඩ් ආසාදිතයින්ගේ සංඛ්‍යාව 1162 ක්.

ඒ අනුව මෙරටින් හඳුනාගත් සමස්ත කොවිඩ් ආසාදිතයින්ගේ සංඛ්‍යාව 626,966 දක්වා ඉහළ ගියා. එමෙන්ම පෙරේදා සිදු වූ තවත් කොවිඩ් මරණ 23 ක් සෞඛ්‍ය සේවා අධ්‍යක‍ෂ ජනරාල්වරයා ඊයේ තහවුරු කළා.

එම මරණ අතර, අවුරුදු 30ට අඩු පුද්ගලයෙකු ද සිටින බවයි සෞඛ්‍ය අංශ දත්තවල දැක්වෙන්නේ. ඒ අනුව මෙරට සමස්ත කොවිඩ් මරණ සංඛ්‍යාව 15,577 දක්වා ඉහළ ගියා.