ඊයේ දිවුරපු ඇමතිවරු අතරින් කවුරුත් නොදන්න කතාවක් එළියට එයි..

ජනාධිපති ගෝඨාභය රාජපක්ෂ මහතා ඉදිරියේ අද දිවුරුම් දුන් අමාත්‍ය මණ්ඩලයේ විශේෂතා කිහිපයක් දක්නට ලැබෙනවා.

ඒ අනුව එහි පළමු වැන්න ජනාධිපති, අගමැති සහ කැබිනට් මණ්ඩලයේ සියලු දෙනා පිරිමි පුද්ගලයින් වීමත් දෙවැන්න ලෙස අද දිවුරුම් දුන් කැබිනට් මණ්ඩලයේ 17 දෙනා අතරින් 10 දෙනෙකු ම මීට පෙර දේශපාලකයින් ලෙස කටයුතු කළ පුද්ගලයින්ගේ පුතුන් හෝ සහෝදරයින් වීමත් විශේෂයි.

ඉන් අමාත්‍යවරුන් 9 දෙනෙකු දේශපාලකයින් පුතුන් වන අතර එක් අයෙකු සහෝදරයෙද වෙනවා.

ඒ අනුව,

දිනේෂ් ගුණවර්ධන (පිලිප් ගුණවර්ධනගේ පුතා) ,

රමේෂ් පතිරණ (රිචර්ඩ් පතිරණගේ පුතා) ,

ප්‍රසන්න රණතුංග (රෙජී රණතුංගගේ පුතා) ,

දිලුම් අමුණුගම (සරත් අමුණුගමගේ ඥාති පුත්‍රයෙක්) ,

කනක හේරත් (මහීපාල හේරත්ගේ පුතා) ,

විදුර වික්‍රමනායක (රත්නසිරි වික්‍රමනායකගේ පුතා) ,

ෂෙහාන් සේමසිංහ (එච්.බී. සේමසිංහගේ පුතා) ,

කංචන විජේසේකර (මහින්ද විජේසේකරගේ පුතා) ,

ප්‍රමිත බණ්ඩාර තෙන්නකෝන් (ජනක බණ්ඩාර තෙන්නකෝන්ගේ පුතා) ,

තේනුක විදානගමගේ (අනුර විදානගමගේගේ සහෝදරයා)

නව කැබිනට් මණ්ඩලය දිවුරුම් දීමෙන් පසු ජනාධිපති ගෝඨාභය රාජපක්ෂ මහතා ප්‍රකාශ කළේ, සිස්ටම් චේන්ජ් එකක් කිරීම සඳහා මෙය හොඳ අවස්ථාවක් වනු ඇති බව ය.