නාමල් රාජපක්ෂගෙන් ජනතාවට අනතුරු ඇඟවීමක්.!!
ඡන්දය ලබා ගැනීම සඳහා ප්‍රතිපත්ති වෙනස් කරන දේශපාලනඥයින්ගෙන් ප්‍රවේශම් වන්නැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා උතුරේ ජනතාවට අනතුරු අඟවයි.
අපේක්ෂිත මැතිවරණයට පෙර ප්‍රතිපත්තිමය වෙනස්කම් පිළිබඳව අවධානයෙන් සිටින ලෙස රාජපක්ෂ මන්ත්‍රීවරයා උතුරේ ප්‍රධාන දේශපාලන පක්ෂය වන දෙමළ ජාතික සන්ධානය (ටීඑන්ඒ) ඇතුළු උතුරේ ජනතාවට අවවාද කළේය.
13 වැනි ආණ්ඩුක්‍රම ව්‍යවස්ථා සංශෝධනය ක්‍රියාත්මක කිරීම වර්තමානයේ බොහෝ දේශපාලනඥයන් සඳහන් කරන ප්‍රධාන ප්‍රතිපත්තියක් බව ශ්‍රී ලංකා පොදුජන පෙරමුණේ මන්ත්‍රීවරයා පෙන්වා දුන්නේය.
13 වැනි ව්‍යවස්ථා සංශෝධනය ක්‍රියාත්මක කිරීමට මුල සිටම සහය දැක්වූ දේශපාලනඥයන් සහ එහි ආරම්භයේ සිටම ඊට එරෙහි වූ පක්ෂ කෙරෙහි විශ්වාසය තබන ලෙස ඔහු උතුරේ ජනතාවගෙන් ඉල්ලා සිටියේය.
කෙසේ වෙතත්, අපේක්ෂා කරන මැතිවරණයට පෙර තම ස්ථාවරය වෙනස් කරන පුද්ගලයින්ගෙන් ප්‍රවේශම් වන්නැයි මන්ත්‍රීවරයා අවවාද කළ අතර, ඔවුන් අවධාරණය කරන්නේ ඡන්දය ලබා ගැනීම පමණක් බවයි.
විධායක ජනාධිපති ක්‍රමය අහෝසි කළ යුතු බවට ප්‍රකාශ කළ දේශපාලන පක්ෂ මේ වන විට තම ස්ථාවරය වෙනස් කර ඇත්තේ එම දේශපාලන පක්ෂවල ‘දෙබිඩි පිළිවෙත’ පෙන්නුම් කරමින් බවද පාර්ලිමේන්තු මන්ත්‍රී නාමල් රාජපක්ෂ මහතා පෙන්වා දුන්නේය.
