හොරණ හමුදා කඳවුරේ පොකුණක සෙබලෙකු අභිරහස් ලෙස මියයාමේ සිදුවීම ගැන තොරතුරු එලියට.
Wayomi
in ශ්‍රී ලංකාවහොරණ දොඹගොඩ යුද හමුදා කඳවුරේ පොකුණක අභිරහස් ලෙස සෙබළුකු මියයාමේ සිද්ධිය සම්බන්ධයෙන් එම කඳවුරේම ක්‍රීඩා උපදේශකවරුන් ලෙස කටයුතු කරන සෙබලුන් 4ක් අත්අඩංගුවට ගෙන තිබෙනවා.
ඔවුන් යුද හමුදා පොලිසිය භාරයේ රඳවාගෙන සිදු කළ ප්‍රශ්න කිරීමේදී සහ මහේස්ත්‍රාත් පරීක්ෂණයේදී ලබාදුන් ප්‍රකාශ එකිනෙකට පරස්පර වූයෙන් සෙබලාගේ මරණය සිදුවූ ආකාරය වසන් කිරීම සහ තොරතුරු වසන් කර සත්‍යය තොරතුරු පොලිසිය වෙත ලබා නොදීම යන කරුණු පදනම් කරගෙන මෙලෙස අත්අඩංගුවට ගැනුනා.
ඇතිලි වැව ,නොඑල්ල ජනපදයේ පදිංචිව සිටි දොඹගොඩ යුද හමුදා යුද උපකරණ බලකායේ ක්‍රීඩා ප්‍රදේශකවරයෙකු ලෙස කටයුතු කළ තරිඳු ලක්ෂාන් නමැති 24 හැවිරිදි නිලධාරියා පසුගිය ජනවාරි 27 වෙනි දින මෙලෙස අභිරහස් ලෙස මියගොස් සිටියදී සොයාගනු ලැබුවා.
පොලිසිය පවසන්නේ, මියගිය සෙබළා සහ සැකපිට අත්අඩංගුවට ගත් සෙබළුන් සිව්දෙනා හමුදා කඳවුරේ කාමරයක සාදයක් පවත්වා ඇති අතර කඳවුරු තුළ ඇති පොකුණේ තරඟයට පිහිනමු යැයි යෝජනාවක් ඔවුන් අතරින් පැමිණ ඇති බවයි.
