ලොවම මවිත කරමින් නාසා වාර්තාවක් තැබූ ලංකවේ පොඩ්ඩා. (VIDEO)
NASA
Artist
By Wayomi
Wayomi
in ශ්‍රී ලංකාවනාසා ආයතනයේ 2024 වසරේ දින දර්ශනයට සිය සිතුවම ඇතුළත් කරගන්නට තරම් දක්ෂතා දැක්වූ ලංකාවේ පුංචි සිත්තරෙක් පිළිබඳව පුවතක් තිරප්පනේ ප්‍රදේශයෙන් වාර්තා වුණා.
ඒ, තිරප්පනේ මහානාම ප්‍රාථමික විද්‍යාලයේ 02 වැනි ශ්‍රේණියේ ඉගෙනුම ලබන දහම් ලෝෂිත ප්‍රේමරත්න නම් පුංචි පුතා.
චිත්‍ර ඇදීමට සහජ දක්ෂතාවයක් දක්වන දහම් විවිධ ජාතික සහ ජාත්‍යන්තර තරගවලට සිය නිර්මාණ ඉදිරිපත් කර ඇති අතර නාසා ආයතනය මගින් සංවිධාන කරන චිත්‍ර තරඟාවලියක් පිළිබඳවත් පුංචි දහම්ට තොරතුරු ලැබෙන්නේ මේ අතරතුරයි.
එහිදී "අභ්‍යාවකාශයේ ජීවත්වීම සහ වැඩ කිරීම" තේමාව යටතේ දහම් ඉදිරිපත් කළ මෙම චිත්‍රයට ලෝකයේ බොහෝ රටවල පුංචි සිත්තරුන් පරාජය පළමු තැන හිමිවෙනවා.
ඒ අනුව දහම්ගේ මෙම ජයග්‍රාහී චිත්‍රය නාසා ආයතනයේ 2024 වසර සඳහා වන දින දර්ශනයේ ජුලි මාසය සඳහා ඇතුළත් කර ඇත.
