LAUGFS සමාගමත් විශාල ප්‍රමාණයකින් ගෑස් මිල බස්සයි..නව මිල ගණන් මෙන්න..
Aruna
in ශ්‍රී ලංකාවLAUGFS සමාගම ද සිය ගෑස් මිල අද (03) මධ්‍යම රාත්‍රීයේ සිට ක්‍රියාත්මක වන පරිදි මිල සංශෝධනය කර තිබේ.
ඒ අනුව, 12.5kg සිලින්ඩරයක නව මිල රුපියල් 275කින් අඩු කර ඇති අතර, නව මිල සඳහන් වන්නේ රුපියල් 3,840ක් බවයි.
මේ අතර එම සමාගම තීරණය කර ඇත්තේ, 5kg සිලින්ඩරය රුපියල් 110කින් අඩු කර ඇති අතර එහි නව මිල සඳහන් වන්නේ රුපියල් 1,542ක් බවයි.
මේ අතර, අද මධ්‍යම රාත්‍රියේ සිට ක්‍රියාත්මක පරිදි ලිට්‍රෝ ගෑස් සමාගම සිය ගෑස් මිල ගණන් පහත දමා ඇත්තේ පහත ආකාරයටයි.
ඒ අනුව, කිලෝග්‍රෑම් 12.5 ගෑස් සිලින්ඩරයක් රුපියල් 175කින් මිල අඩු කර තිබෙන අතර, එහි නව මිල වන්නේ රුපියල් 3940ක්.
කිලෝ ග්‍රෑම් 05ක් බර ගෑස් සිලින්ඩරයක් රුපියල් හැත්තෑවකින්(70) අඩුකර ඇති අතර ,එහි නව මිල රුපියල් 1582කි.
කිලෝ ග්‍රෑම් 2.5 ප්‍රමාණයේ ගෑස් සිලින්ඩරයක් රුපියල් 32කින් මිල අඩු කර ඇති අතර, එහි නව මිල රුපියල් 740 ක් වනවා.
ලිට්‍රෝ සමාගමේ සභාපති මුදිත පිරිස් මහතා සඳහන් කළේ, ලෝක වෙළෙඳ පොලේ ගෑස් මිල පහල යාම සැලකිල්ලට ගෙන පාරිභෝගිකයන්ට සහන සැලසීම සඳහා මෙම මිල අඩු කිරීම සිදුකරන ලද බවයි.
