වෑන් රථ දෙකක් මුහුණට මුහුණ ගැටීමෙන් සිදු වූ බිහිසුණු අනතුරෙන්, ළමුන් ඇතුළු 12 දෙනෙකු රෝහලේ

වෑන් රථ දෙකක් එකිනෙක ගැටීමෙන්, කොළඹ - නුවර මාර්ගයේ කෑගල්ල මොළගොඩ ප්‍රදේශයේදී අනතුරක් සිදුව තිබේ.

අනතුරින් තුවාල ලැබූ වෑන් රථ දෙකෙහි ගමන්කළ කුඩා ළමුන් තිදෙනකු ඇතුළු 12 දෙනෙකු ප්‍රතිකාර සඳහා කෑගල්ල රෝහලට ඇතුළත් කර ඇති බවයි වාර්තා වන්නේ .

පොලීසිය පවසන්නේ තුවාල ලැබූ පිරිස අතර සිටින එක් අයෙකුගේ තත්ත්වය බරපතළ බවය.

කොළඹ සිට දෙල්තොට දක්වා ධාවනය වූ වෑන් රථයක් සහ මහනුවර සිට කොළඹ බලා ධාවනය වූ වෑන් රථයක් මෙලෙස අනතුරට ලක්ව ඇත.

කෑගල්ල පොලීසිය අනතුර සම්බන්ධයෙන් වැඩිදුර විමර්ශන සිදුකරයි.