ඉන්ධන කෝටාව වැඩි කිරිම සම්බන්ධයෙන් බලශක්ති අමාත්‍යවරයාගෙන් විශේෂ නිවේදනයක්..

හඳුනාගත් ක්ෂේත්‍රයක් සඳහා ඉන්ධන කෝටාව වැඩි කිරීමට බලාපොරොත්තු වන බව බලශක්ති අමාත්‍ය කංචන විජේසේකර මහතා QR ක්‍රමවේදය පිළිබඳව අද (23) පැවති ප්‍රගති සමාලෝචන රැස්වීමේදී පැවසීය.

ඒ අනුව අත්‍යවශ්‍ය සේවා වෙනුවෙන් මෙම ඉන්ධන කෝටාව වැඩි කිරීමට නියමිත අතර පසුගිය සති 03ක දත්ත සංසන්දනය කිරීමේදී රථවාහන ලියාපදංචිය සහ ඉන්ධන ලබාගත් සංඛ්‍යාව වැඩි වී තිබුණ ද ඉන්ධන භාවිතයේ අඩුවක් පෙන්නුම් කරන බව ද මෙහිදී නිරීක්ෂණය කර තිබේ.

තවද QR ක්‍රමවේදය තුළින් ලබාදීමට අපේක්ෂා කරන වැඩිදියුණු කිරීම් කඩිනමින් කිරීමට ද මෙහිදී අවධානය යොමුකර ඇත.