රට පුරා දැඩි අවධානම් තත්ත්වයක් ගැන දැනුම්දීමක්..හැමෝම මේ ගැන අවධානයෙන් ඉන්න..
Aruna
in ශ්‍රී ලංකාවඋතුරු මැද පළාතේ ඇතුළුව රට පුරා මේ දිනවල සීඝ්‍රයෙන් පැතිර යන උණ රෝගය වෛරස් තත්ත්වයක් බැවින් හැකිතාක් කණ්ඩායම් වශයෙන් එකතු වීමෙන් වළකින ලෙසත් සමූහ වශයෙන් සිටින ස්ථානවලදී හැකිතාක් මුඛ ආවරණ පළඳින ලෙසත් අනුරාධපුර ශික්ෂණ රෝහලේ බාහිර රෝගී අංශයේ ප්‍රධාන වෛද්‍ය නිලධාරී හේමා වීරකෝන් මහත්මිය ජනතාවගෙන් ඉල්ලීමක් කර තිබෙනවා.
වෛද්‍යවරය පෙන්වා දෙන්නේ, මෙකී වෛරසය ශ්වසන ආශ්‍රිතව හටගන්නා බැවින් කැස්ස, සෙම්ප්‍රතික්ෂාව මෙන්ම උණ සහ ඇඟපත වේදනාව යන රෝග ලක්ෂණ ප්‍රධාන වශයෙන් ඇති බවයි.
මෙම වෛරස් තත්ත්වය දින දෙක තුනකින් සමනය වුවද ඇතැම් රෝගීන් හට කැස්ස සෙම්ප්‍රතික්ශාව ඇතුළුව ශ්වසන රෝග මාස දෙකක් පමණ කාලයක් වුවද පවතින බවත් ඇය වැඩිදුරටත් පෙන්වා දෙනු ලබයි.
තවද මෙම වෛරසය ඉන්ෆ්ලුවෙන්සා ප්‍රභේදයක් ලෙසද පවතින බැවින් හැකිතාක් දුරට රෝගය වැලඳුනු අයගෙන් ඈත්ව සිටීමත් කණ්ඩායම් වශයෙන් මෙන්ම සමූහ ක්‍රියාකාරකම් වලදි මුඛ ආවරණ පැලඳීමෙන් රෝගය වැලඳීමෙන් ආරක්ෂා වීමේ වැඩි ඉඩක් පවතින බවයි වෛද්‍යවරිය පෙන්වා දෙන්නේ.
වෛද්‍යවරිය මහජනතාවගෙන් ඉල්ලා සිටින්නේ, මේ වනවිට අනුරාධපුර දිස්ත්‍රික්කයේ සීඝයෙන් පැතිර යන මෙම වෛරස් තත්ත්වටය රට පුරාද සීඝ්‍රයෙක් පැතිර යන තත්ත්වයක් උද්ගතව ඇතැයිද වෛරසයක් හේතුවෙන් ප්‍රතිකාර ලබා නොගෙන සුව වේ යැයි සිතා නොසිට ප්‍රතිකාර ලබා ගන්නා ලෙසයි.
එමෙන්ම මේ සඳහා ප්‍රතිකාර නොගත්තොත් තදබල ලෙස ශ්වසනාබාධ ඇති විය හැකි බවත් ඇය වැඩිදුරටත් අදහස් දක්වමින් පවසා සිටියි.
