රන් මිල සහ තෙල් මිල එකවරම පහළ යයි..ඉන්ධන සම්බන්ධයෙන් ලංකාවට සුභ ආරංචියක්..

යුන­යි­ටඩ් පෙට්‍රෝ­ලි­යම් ඔස්ට්‍රේ­ලියා සමා­ගම මෙරට වෙළෙ­ඳ­පො­ළට ඛනිජ තෙල් නිෂ්පා­දන සැප­යීම සඳහා බල­ශක්ති අමා­ත්‍යාං­ශය සමඟ ගිවි­සුම්ගත වී තිබෙන බව වාර්තා වනවා.

එම සමා­ග­මට ඛනිජ තෙල් නීති­ගත සංස්ථා­වට අයත් සිපෙට්කෝ පිර­වු­ම්හල් 150ක් මෙම ගිවි­සුම හරහා පවරා ඇති අතර, ඊට අම­ත­රව නව පිර­වු­ම්හල් 50ක් ඉදි­ කි­රී­ම­ටත් අව­සර හිමිව ඇති බවයි පැවසෙන්නේ.

එම සමා­ගම ‘යුන­යි­ටඩ් පෙට්‍රෝ­ලි­යම් ලංකා ලිමි­ටඩ්’ ලෙස මෙරට ලියා­ප­දිංචි කර ඇති අතර ඉන්ධන බෙදා හැරීමේ මෙහෙ­යුම් නුදු­රේ­දීම ආරම්භ කරන බව විදු­ලි­බල හා බල­ශක්ති අමා­ත්‍යාං­ශය ප්‍රකාශ කළේ.

ඉන්ධන වෙළ­ඳාම සම්බ­න්ධ­යෙන් එම සමා­ගම සහ විදු­ලි­බල සහ බල­ශක්ති අමා­ත්‍යාං­ශය අතර ගිවි­සුම පසු­ගිය 22 වැනිදා අත්සන් තබා ඇත.

මේ අතර, විදෙස් මාධ්‍ය වාර්තා කරන්නේ,ලෝක වෙළෙඳපොළෙහි බොර තෙල් මිල ඊයේ දිනයේත් අඩුවී ඇති බවයි.

වැඩිවී ඇති උද්ධමනය හේතුවෙන් අමෙරිකානු පොලී අනුපාත කප්පාදුව පමාවීමේ පසුබිම මත ඩොලරය ශක්තිමත් වීම ඊට බලපා ඇති බව සඳහන් ය.

මේ අනුව බ්‍රෙන්ට් වර්ගයේ බොරතෙල් බැරලයක මිල ඩොලර් 81යි ශත 27 දක්වා පහත බැස ඇති අතර අමෙරිකානු WTI බොර තෙල් බැරලයක මිල සටහන් වන්නේ ඩොලර් 76යි ශත 14ක් ලෙසට ය.

අනිකුත් විනිමය වලින් ගනුදෙනු කරන්නන්ට තෙල් වඩාත් මිල අධික වෙළෙඳ භාණ්ඩයක් බවට, ඩොලරය ශක්තිමත් වීම තුළින් පත්වෙයි.

මේ අතර ලෝක වෙළෙඳපොළේ රන් මිලද අමෙරිකානු ඩොලරය ශක්තිමත් විමත් සමග පහළ වැටීමක් පෙන්නුම් කරන අතර රන් අවුන්සයක මිල මේ වනවිට සටහන් වන්නේ ඩොලර් 2030යි ශත 90ක් ලෙසයි.