ලෝකයේ විශාලම ධනයක් ඉපයූ ලොව පළමු කාන්තාව බවට ඇය පත්වෙයි.(PHOTOS)

ඩොලර් බිලියන 100 ක ධනයක් උපයාගත් ලොව පළමු කාන්තාව බවට Francoise Bettencourt Meyers පත්ව සිටින බව විදෙස් මාධ්‍යා වාර්තා පවසනවා.

ඒ බ්ලූම්බර්ග් බිලියනපතියන්ගේ දර්ශකයට අනුව බවයි පැවසෙන්නේ.

Francoise Bettencourt ගේ සීයා ආරම්භ කළ රූපලාවන්‍ය නිෂ්පාදන අධිරාජ්‍යය වන L’Oreal SA හි කොටස් මේ වසරේ 35% කින් වාර්තාගත ලෙස ඉහළ යාමත් සමඟ මෙම ධනය උපයාගෙන තිබීමද විශේෂත්වයක්.

පාරිභෝගික එජ් පර්යේෂණ විශ්ලේෂක බ්‍රෙට් කූපර්ට අනුව, සමාගමේ නිෂ්පාදන සහ භූගෝලීය විවිධත්වය ඔරොත්තු දීමේ හැකියාව නිසා සමාගමේ කොටස් ඉදිරි වසර තුළ තවත් 12% කින් ඉහළ යා හැකි බවයි වාර්තා වන්නේ.

ලොව පුරා ඩොලර් බිලියන 268 ක සමාගමක් වන L’Oreal හි උප සභාපති 70 හැවිරිදි Bettencourt Meyers වන අතර, ඇය සහ ඇගේ පවුල තනි විශාලම කොටස් හිමිකරුවන් වනවා.

ඇගේ ස්වාමිපුරුෂයා ප්‍රධාන විධායකයා වන අතර, පුතුන් දෙදෙනා L’Oreal හි අධ්‍යක්ෂවරුන් වෙයි. 1909 වසරේ දී මෙම සමාගම ආරම්භ කරන්නේ, Bettencourt Meyers ගේ රසායන විද්‍යාඥ සීයා නිපදවූ හිසකෙස් ආලේපන අලෙවියට යි.

ව්‍යාපාරික ජීවිතයට අමතරව පියානෝ වාදනයට දක්ෂ Bettencourt Meyers පොත් දෙකක් රචනා කර තිබීම ද විශේෂත්වයක්.

පවුලේ එකම දරුවා ලෙස Bettencourt Meyers සමාගමේ හිමිකමට පැමිණියේ 2017 වසරේ දී ඇයගේ මවගේ අභාවයෙන් පසුවයි.

මෙම සමාගම පසුගිය වසරේ දී දශකයක් පැරණි විලාසිතා සන්නාමයක් වන Sezane මිලදී ගනු ලැබීය.