දුවයි පුතයි ඝාතනය කළ පියා ගෙල කපාගනී

අම්පාර පෙරියනිලාවේලි ප්‍රදේශයෙන් සිය දරුවන් දෙදෙනා ඝාතනය කළ පියෙකු සියදිවි නසාගැනීමට උත්සාහ කළ පුවතක් වාර්තාවෙයි.

මෙලෙස ගෙල කපා ඝාතනය කර ඇති ඔහුගේ පුතුගේ වයස අවුරුදු 29ක් වන අතර දියණියගේ වයස අවුරුදු 15කි.

දරුවන් දෙදෙනා ඝාතනය කළ පියා ද ගෙල කපාගෙන සියදිවි හානිකරගනීමට උත්සාහ කර ඇති අතර ඔහුව ප්‍රතිකාර සඳහා කල්මුණේ රෝහලට ඇතුළත් කර තිබේ.

ඔහු 63 හැවිරිදි වියේ පසුවන බවයි, පොලීසිය වැඩිදුරටත් පවසන්නේ.

මෙලෙස ඝාතනයට ලක්ව ඇති ඔහුගේ දරුවන් දෙදෙනා කථන අපහසුතාවයෙන් පෙළෙන බවටද තොරතුරු වාර්තා වෙයි.