පවුල් පිටින් දිවි නසා ගන්න තත්වෙට පත්වෙලා... වසර ආරම්භයේම ඇහෙන භයානක පුවතක් ගැන හෙළිදරව්වක්...
Sithumi
in ව්යාපාරිකවර්තමාන ජන සමාජයේ දැවැන්ත ඛේදවාචකයක් සිදුවෙමින් පවතින බවත් දූදරුවන්ට හරියාකාරව කන්න දෙන්න බැරි නිසා, ගෘහයේ අවශ්‍යතා සපුරා ගන්න බැරි නිසා සියදිවි නසා ගන්නා තත්ත්වයක් උද්ගත වී ඇති බවත් මේ ඛේදවාචකය තවදුරටත් ප්‍රවර්ධනය කරන යුගයක් ඇතිව තිබෙන බවත් නව වසරේම වැට් බදු වැඩි කිරීම නිසා මේ තත්ත්වය වැඩි වී ඇති බවත් විපක්ෂ නායක සජිත් ප්‍රේමදාස මහතා පවසනවා.
ආණ්ඩුවේ ආදායම් වැඩි කර ගන්නැයි කියා වැට් බදු වැඩි කිරීම සිදු කළත් ආණ්ඩුවේ ආදායම් වැඩි කිරීමට ඇති එකම විකල්පය වැට් බදු වැඩි කිරීම නොවන රටෙන් හොරා කන ලද මුදල් නැවත රටට ලබා ගැනීමට ක්‍රමවේදයක් සකස් කිරීම බවත් වත්මන් ආණ්ඩුව එසේ සිදු නොකරන්නේ ඔවුන් හොරුන්ගෙන් යැපෙමින් ජනාධිපති, අගමැති තනතුරු ආදිය ලබා ගත් නිසා බවත් එම නිසා හොරු අල්ලනවා වෙනුවට හොරු ආරක්ෂා කරමින් සිටින බවත් විපක්ෂ නායක සජිත් ප්‍රේමදාස මහතා පැවසුවා.
ඔහු මේ බව කියා සිටියේ අද (2) සක්වල සුහුරු පන්ති කාමර ලබා දීමේ වැඩසටහනේ 59 වැනි අදියර යටතේ ගම්පහ බුත්පිටිය මහා විද්‍යාලයට රුපියල් ලක්ෂ 10ක් වටිනා සුහුරු පන්ති කාමරයක් ලබා දීමේ අවස්ථාවට එක්වෙමින්.
හියුමන් ඉමියුනෝ ග්ලොබෙින් බෙහෙත් වංචාවේදී සෞඛ්‍ය ඇමතිවරයාට එරෙහිව සමගි ජන බලවේගය විශ්වාසභංගයක් ගෙන ආ අවස්ථාවේ එය පරාජය කිරීමට මන්ත්‍රීවරු 113ක් කටයුතු කළ බවත් ඔවුන් ද මේ රට බංකොලොත් කිරීමට තුඩුදුන් හොරු පිරිසක් බවත් ඔවුන් හොරා කන ලද සම්පත් නැවත අප රටට ලබා ගැනීමට හැකියාවක් පවතී නම් මෙසේ බදු වැඩි කිරීමේ අවශ්‍යතාවක් නොමැති බවත් විපක්ෂ නායකවරයා මෙහි දී අවධාරණය කළා.
