ඉන්දුනීසියාවේ ප්‍රබල භූකම්පනයක්..සූනාමි අනතුරුත් අඟවයි..

ඉන්දුනීසියාවේ ටැනිම්බාර් දූපත්වලට ඔබ්බෙන් වූ ප්‍රදේශයේ මැග්නිටියුට් ඒකක 7.6 ක ප්‍රබල භූ කම්පනයක් සිදුව තිබෙනවා විදෙස් මාධ්‍ය වාර්තා කළේ ඉන්දුනීසියානු වේලාවෙන් අද (10) අලුයම 2.47ට පමණ භූ කම්පනය සිදුව ඇති බවයි.

භූ කම්පනයේ ප්‍රබලත්වය හේතුවෙන් සුනාමි අනතුරු ඇඟවීම්ක් ද නිකුත් කිරීමට ඉන්දුනීසියානු ආපදා ඒජන්සිය පියවර ගත්තේ ය.

කෙසේ වෙතත් මුහුදු මට්ටමේ සැළකිය යුතු වෙනසක් වාර්තා නොවූ බැවින් මේ වනවිට එම සුනාමි අනතුරු ඇඟවීම ඉවත් කර ඇතැයි ද සඳහන් ය.

භූමිකම්පාවෙන් පසු කම්පන හතරක් වාර්තා වී ඇති බව විදෙස් මාධ්‍ය වාර්තා කළේය.

විදෙස් වාර්තා පැවසුවේ, භූ කම්පනයෙන් එරට ගොඩනැගිලිවලට හානි සිදුවී ඇති බවයි.