ජයටම ගිය මත්පැන් සාදය අවසානයේ නැවතුන තැන..

ඉඹුල්ගොඩ, ඉහළ යාගොඩ, පැරකුම් මාවතේ ව්‍යාපාරික ස්ථානයක ඇති වූ ආරවුලකින් පුද්ගලයෙක් ජීවිතක්ෂයට පත් විය.

ඒ එම ස්ථානයේ පහත මාලයේ පුද්ගලයින් හතරදෙනෙකු මත්පැන් පානය කරමින් සිටින අතරතුර දී ය.

මෙලෙස මිය ගොස් ඇත්තේ, මෙම ප්‍රදේශයේ පදිංචි ඩෙන්සිල් සෝමසිරි නැමති 62 හැවිරිදි පස්දරු පියෙක් ය.

පොලිසිය සඳහන් කළේ මරණකරුගේ හිසේ සහ නලලේ ලේ පැල්ලම් දක්නට ලැබුණු බවයි.

මෙම මරණය මත්පැන් පානය කරමින් සිටින අතරතුර දී වූ ආරවුලේ ප්‍රතිඵලයක් ලෙස හඳුනාගෙන ඇත.

එම අවස්ථාවේ දී ඔහු ළඟ සිටි තිදෙනා සැකපිට පොලිස් අත්අඩංගුවට ගෙන  තිබෙනවා.

කෙසේ වෙතත්, සිද්ධිය සම්බන්ධයෙන් වැඩිදුර පරීක්ෂණ යක්කල පොලිසිය විසින් පවත්වනු ලබයි.