කොස්ගොඩින් හමු වූ මළ සිරුර

කොස්ගොඩ මහපැලෑන ප්‍රදේශයේ මුහුදු වෙරළේ තිබී කාන්තා මෘත ශරීරයක් සොයාගෙන තිබෙනවා.

අනතුරුව පොලිසිය සිදු කළ විමර්ශනයේ දී අදාළ කාන්තාවගේ ඥාතීන් විසින් එම මෘත ශරීරය හදුනාගෙන ඇති බවයි පොලිසිය පැවසුවේ.

අදාළ කාන්තාව 59 හැවිරිදි වියේ පසු වූ අළුත්ගම කළුවාමෝදර ප්‍රදේශයේ පදිංචිකාරිණියක බවට අනාවරණය වී තිබෙනවා.

කොස්ගොඩ පොලිසිය මේ සම්බන්ධයෙන් වැඩිදුර විමර්ශන සිදු කරන බවයි පොලිස් මාධ්‍ය කොට්ඨාසය පැවසුවේ.