පාසල් දැරියක් අපයෝජනය කළ ත්‍රීරෝද රථ රියැදුරෙකුට වසර 10කට පසු ලැබුණ දඬුවම..

පාසල් දැරියක් අපයෝජනය කිරීම සම්බන්ධයෙන් වරදකරු වූ 34 හැවිරිදි ත්‍රීරෝද රථ රියැදුරෙකුට කොළඹ මහාධිකරණය වසර 12ක බරපතළ වැඩ සහිත සිර දඩුවමක් නියම කළා ය.

ඒ 2012 වර්ෂයේ කොළඹ නගරාසන්නයේ නිවසක මව සමග සිටි 13 හැවිරිදි පාසල් දැරියක් තම නිවෙසට බලහත්කාරයෙන් රැගෙන ගොස් අපයෝජනය කිරීම සම්බන්ධයෙන් වසර 10ක් තිස්සේ පැවති නඩු විභාගය අවසානයේදී වන අතර වරදකරුට කොළඹ මහාධිකරණයේ විනිසුරු නවරත්න මාරසිංහ රුපියල් 25,000ක දඩයක් සහ අපයෝජනයට ලක්වූ දැරියට රුපියල් ලක්ෂ 2ක වන්දියක් ගෙවන ලෙසද නියෝග කළේ ය.