සීනි අගුණ අයට ගුණ කේක් රෙසිපියක්.

සීනි අගුණ අයට හිතකර අඩු සීනි කේක් රෙසිපියක් කියලා දෙන්නයි මේ හදාන්නේ. මේ Carrot Cake.

අවශ්‍ය ද්‍රව්‍ය

🍰 ආමන්ඩ් පිටි කෝප්ප 1

🍰 ලුණු ස්වල්පයක්

🍰 බේකින් සෝඩා තේහැඳි 1/2

🍰 කුරුඳු කුඩු තේහැඳි 1

🍰 සාදික්කා කුඩු තේහැඳි 1/2

🍰 එනසාල් කුඩු පින්චක්

🍰 බිත්තර 3

🍰 මේපල් සිරප් කෝප්ප 1/4

🍰 ඔලිව්තෙල් මේසහැඳි 2

🍰 ග්‍රේට්කරගත් කැරට් කෝප්ප 1 1/2

🍰 රටඉඳි කෝප්ප 1

🍰 චොප්කරගත් කජු හෝ රටකජු ස්වල්පයක්

සාදාගන්න ආකාරය

🍰 බෝල් එකකට ආමන්ඩ් පිටි, ලුණු, සාදික්කා, බේකින් සෝඩා හා එනසාල් කුඩු දාලා කලවම් කරගන්න.

🍰 වෙනම බෝල් එකකට බිත්තර, මේපල් සිරප් හා ඔලිව්තෙල් දාලා බීට් කරගන්න.

🍰 මේකට කැරට් හා චොප්කරගත් රටඉඳි ටිකත් දාගන්න.

🍰 හොඳට බීට් කරලා පිටි මිශ්‍රණය දාලා කලවම් කරගන්න.

🍰 මේකට චොප්කරගත් කජු හෝ රටකජු ටිකත් දාලා පොඩි ට්‍රේ එකකට දාලා සෙල්සියස් අංශක 180ට විනාඩි 40ක් බේක් කරගන්න.