අධික වේගයෙන් ගිය බෝට්ටු දෙකක් එකිනෙක ගැටී අනතුරක්..09ක් තුවාල ලබයි..
Aruna
in ශ්‍රී ලංකාවකිළිනොච්චිය පුනරීන් මුහුදේදී බෝට්ටු දෙකක් එකිනෙකට ගැටීම නිසා පුද්ගලයින් 9 දෙනෙකු තුවාල ලබා ඇති බව වාර්තා වනවා.
පුනරීන් පලයතීව් ශාන්ත අන්තෝනි දේවස්ථානයේ වාර්ෂික මංගල්‍යයට යමින් සිටි බැතිමතුන් රැගත් බෝට්ටු දෙකක් අධික වේගයෙන් ගමන් කිරීම නිසා එම බෝට්ටු දෙක එකිනෙක ගැටී පුද්ගලයින්ගෙන් හතර දෙනෙකු මුහුදට ඇද වැටී ඇති බවයි පැවසෙන්නේ.
පුනරීන් පොලීසිය ප්‍රකාශ කළේ, පසුව මුහුදට ඇද වැටුණු පුද්ගලයින් සෙසු පිරිස විසින් බේරා ගෙන ඇති අතර අනතුරට පත් බෝට්ටු දෙකම මගීන් ප්‍රවාහනය කෙරෙන බෝට්ටු නොවන අතර කිළිනොච්චියේ ධීවරයන්ට අයත් ධීවර බෝට්ටු දෙකක් බවයි.
මෙම අනතුරට ලක්ව ඇත්තේ දේවස්ථානයේ මංගල්‍යට සහභාගී වීමට පැමිණි බෝට්ටු අයත් පවුල් දෙකේ හිතවතුන් පිරිසක් බවයි පැවසෙන්නේ.
පුනරීන් පොලීසිය මේ සම්බන්ධයෙන් වැඩිදුර පරීක්ෂණ පවත්වන අතර, තුවාල කරුවන් යාපනය ශීක්ෂණ රෝහලට ඇතුළත් කර තිබේ.
