නීතිපතිව හදිසියේම ව්‍යවස්ථා සභාවට කැඳවයි. - හේතුව මෙන්න.
Wayomi
in ශ්‍රී ලංකාවනීතිපති සංජය රාජරත්නම් මහතා අද (26) ආණ්ඩුක්‍රම ව්‍යවස්ථා සභාව හමුවේ පෙනී සිටීමට නියමිතයි.
ඒ, නීතිමය ගැටළුවක් විසඳා ගැනීම සඳහායි.
පාර්ලිමේන්තු ආරංචි මාර්ග සඳහන් කරන්නේ, ජනාධිපතිවරයා ව්‍යවස්ථා සභාවට කිසියම් පත්වීමක් සඳහා නමක් නිර්දේශ කළ පසු එම නම ව්‍යවස්ථා සභාව විසින් ප්‍රතික්ෂේප කෙරුණු අවස්ථාවන්හිදී අගතියට පාර්ශව නඩු පැවරුවහොත් නීතිපතිවරයා ව්‍යවස්ථාව සභාව වෙනුවෙන් පෙනී සිටිය හැකිද යන්න ගැන තීරණයක් ගැනීම නීතිපතිවරයා කැඳවීම මෙහි අරමුණ බවයි.
ව්‍යවස්ථාව සභාව වෙනුවෙන් නීතිපති පෙනී නොසිටින අවස්ථාවල ඒ සඳහා පෞද්ගලික නීතිඥ සහාය ලබා ගැනීමට හැකි ප්‍රතිපාදන සම්බන්ධයෙන් විමසීමද මෙම කැඳවීමේ තවත් අරමුණක් බවයි වාර්තා වන්නේ.
මේ අතර පසුගිය කාලයේදී පොලිස්පති සහ වැඩ බලන පොලිස්පති පත්කිරීමේදීද විනිශ්චකාරවරයකු පත් කිරීමේදීද ජනාධිපතිවරයාගේ නිර්දේශ ව්‍යවස්ථා සභාවේ ඇතැම් සාමාජිකයන් ප්‍රතික්ෂේප කරනු ලැබුවා.
