ජනප්‍රිය රංගන ශිල්පිනියකට රියැදුරෙක් අතවරයක් කිරීමට උත්සාහ කරලා.
Wayomi
in ශ්‍රී ලංකාවපිළියන්දල ජාලියගොඩ ප්‍රදේශයේදී ජනප්‍රිය රංගන ශිල්පිනියකට ලිංගික අතවර කිරීමට තැත් කළ ත්‍රී රෝද රථ රියැදුරෙක් සොයා විමර්ශන ආරම්භ කර තිබෙනවා.
ඇය තම පෞද්ගලික අවශ්‍යතාවයක් සඳහා නුගේගොඩ ප්‍රදේශයට යෑම සඳහා මෙම ත්‍රී රෝද රථය සම්බන්ධ කරගෙන ඇති බවයි වාර්තා වන්නේ.
අනතුරුව ගමනාන්තය වෙත ගමන් කරන අතරතුරදී පිළියන්දල ජාලියගොඩ ප්‍රදේශයේදී ත්‍රී රෝද රථය කාර්මික දෝෂයකට ලක් වූ බව පවසමින් රියැදුරු රථයෙන් බැස ඇති අතර එහිදී පිටුපස ආසනයේ වාඩි වී සිටි රංගන ශිල්පිනිය සමීපයට පැමිණ ඇයට බලහත්කාරකම් සිදුකිරීමට උත්සාහ කර ඇත.
එම අවස්ථාවේ කෑ ගසමින් රංගන ශිල්පිනිය ත්‍රී රෝද රථයෙන් බැස ඇති අතර ඇය මේ පිළිබඳව ප්‍රදේශවාසින්ට දැනුම් දී තිබෙනවා.
ඒ, සමඟ බියට පත් වූ ත්‍රී රෝද රථ රියැදුරු එතැනින් පළා ගොස් ඇති අතර පිලියන්දල පොලීසිය වැඩිදුර පරීක්ෂණ ක්‍රියාත්මක කර ඇති බවයි වාර්තා වන්නේ.
