කැනඩාවේ සිදු වූ තවත් අමානුෂික ඝාතනයක්. - (PHOTOS)

කැනඩාවේ Abbotsford හිදී සිදුවූ තවත් අමානුෂික ඝාතනයක් පිළිබඳව පුවතක් වාර්තා වෙනවා.

එලෙස ඝාතනයට ලක්ව ඇත්තේ ඉන්දීය සම්බවයක් සහිත 41 හැවිරිදි වියේ පසුවන Balwinder Kaur නමැති කාන්තාවක්.

මේ වන විට ඇයව ඝාතනය කළ 50 හැවිරිදි වියේ පසුවන ඇයගේ සැමියා වන Jagpreet Singh එරට ආරක්ෂක අංශ විසින් අත්අඩංගුවට ගෙන තිබෙනවා.

පිහි ඇනුම් හේතුවෙන් තුවාල ලැබූ කාන්තාව කඩිනමින් රෝහල්ගතකිරීමට පියවර ගෙන තිබුණ ද එහිදී ඇය මියගොස් ඇත.

එම ඝාතනය සිදුකිරීමෙන් අනතුරුව සැකකාර සැමියා සිය මවට වීඩියෝ ඇමතුමක් ලබාගනිමින් මෙම ඝාතනය සම්බන්ධයෙන් දැනුම් දී ඇති බවත්, එහිදී ."මම එයාව සදහටම නිදි කළා" යනුවෙන් ඔහු පවසා ඇති බවත් විදෙස් මාධ්‍ය වැඩිදුරටත් වාර්තා කර තිබෙනවා.

මෙහි ඝාතනය සම්බන්ධයෙන් අත්අඩංගුවට ගෙන සිටින සැකකාර සැමියා මීට සතියකට පමණ පෙර එහි පැමිණ ඇති බවද වාර්තා වනවා.

ඔවුන් අතර අවස්ථා කිහිපයකදී මුදල් ආරවුල් ඇතිවූ බවද ඇතැම් විදෙස් මාධ්‍ය වාර්තා කළ ද, ඝාතනය සම්බන්ධයෙන් සැකපිට අත්අඩංගුවට ගෙන ඇති Jagpreet Singhගේ සොහොයුරා පවසා ඇත්තේ ඔවුන් ඉතා ප්‍රීතිමත් පවුල් ජීවිතයක් ගත්කළ බවයි.

එමෙන්ම මෙම ඝාතනයෙන් පසුව සිය මවට ඇමතුමක් ගෙන සොහොයුරා පවසා ඇත්තේ තමන් අතින් බිරිඳට තුවාල සිදුවූ බවට යනුවෙන් ද Jagpreet Singhගේ සොහොයුරා වැඩිදුරටත් සඳහන් කර ඇති අතර එරට ආරක්ෂක අංශ සිද්ධිය සම්බන්ධයෙන් මේ වනවිට වැඩිදුර විමර්ශන ආරම්භ කර තිබෙනවා.