මූල්‍ය විනය නිසා මෙරටට සිදුවිය හැකි භයානක දෙයක් ගැන විශේෂඥ හෙළිදරව්වක්.
Wayomi
in ශ්‍රී ලංකාවමැතිවරණ සමයේ දී ආර්ථික අර්බුදයෙන් මිදීමට ශ්‍රී ලංකාව පවත්වාගෙන යන මූල්‍ය විනය බිඳ දැමුවහොත් නැවතත් ශ්‍රී ලංකාවට පෙර පැවැති අර්බුදයට මුහුණදීමට සිදුවනු ඇති බව බහුපාර්ශ්වික කටයුතු සහ ණය තිරසරභාවය පිළිබඳ ජනාධිපති උපදේශක කණ්ඩායමේ සාමාජික ආචාර්ය ඉන්ද්‍රජිත් කුමාරස්වාමි පවසනවා.
ඔහු මේ බව කියා සිටියේ, කොළඹ පැවැති උත්සවයකට එක්වෙමින්.
එහි දී ඔහු වැඩිදුරටත් කියා සිටියේ මෙවැන්නක්,
"මීට පෙර ජාත්‍යන්තර මූල්‍ය අරමුදලේ වැඩසටහන් 16ක් සඳහා අපි එක්වුණා. ඒ වැඩසටහන් තුළදී අපි ඉතා හොඳින් ආර්ථිකය ස්ථාවර කළා. එම අවස්ථා අද වගේ අභියෝගාත්මක අවස්ථා වූණේ නැහැ. නමුත් අපි ඒ දේවල් හොඳින් සිදුකළා. කෙසේවෙතත් එම වැඩසටහන් හොඳින් සිදුවෙද්දි, මැතිවරණ චක්‍රය එහි අවසානයට එක්වීම නිසා සියලු දේ විනාශ වුණා. මන්ද අපිට තිබුණු විනය නැති වී යාම හේතුවෙන් නැවත අපිට ආරම්භ වූ තැනටම යන්න සිදුවුණා. ඒ නිසයි අපිට 17 වතාවක් ජාත්‍යන්තර මූල්‍ය අරමුදල හමුවට යෑමට සිදුවුණේ. අපි දැන් නිවැරදි තැනට පැමිණ තිබෙනවා. අපි හොඳ පදනමක් සකස් කරගෙන තිබෙන්නේ. දැන් මැතිවරණය පැමිණෙනවා. අපිට එකම දේ නැවත වරක් සිදුකරන්න බැහැ. අයින්ස්ටයින් වරක් පැවසුවා එකම දේ නැවත නැවතත් කරමින් වෙනස් ප්‍රතිඵල අපේක්ෂා කළ නොහැකි බව. ඒ නිසා මම හිතන්නේ අපට මෙම පණිවිඩය මගින් පවසන දේ තේරුම් ගත යුතුයි. ඒ වගේම අපි එකම මඟ නැවත ගමන් නොකිරීමට පියවර ගත යුතුයි. මම ප්‍රාර්ථනා කරන්නේ මෙවර එය වෙනස්වෙයි කියලා. ඒ වගේම අපි පාඩමක් ඉගෙනගත යුතුයි අපි වසර කිහිපයකට පෙර මුහුණ දුන් අර්බුදයේ ගැඹුරු බව පිළිබඳවත්"
