ඇඟිල්ලෙ තීන්ත ගාලා පෙන්වන අයට නොමිලේ මත්පැන් සහ දීමනා රැසක්...
India
Election
Political Development
By Aruna
දිරිමත් කිරීමට ගත් අලුත්ම ක්‍රමයක්..
ඉන්දීය මහ මැතිවරණය පැවැත්වෙන අතරතුර කර්ණාටක ප්‍රාන්තයේ බැංගලෝර් නගරයේ ඡන්ද දායකයින් දිරිමත් කිරීම සඳහා හෝටල් සහ ආයතන උපක්‍රම කිහිපයක් භාවිතා කරමින් සිටින බව වාර්තා වනවා.
ඉන්දීය මාධ්‍ය වාර්තා කළේ, ඡන්දය ප්‍රකාශ කරන්නන්ට නොමිලයේ ආහාර, වට්ටම් සහිත ප්‍රවාහන සේවා, සෞඛ්‍ය පරීක්ෂණ සහ මධ්‍යසාර ද ලැබෙන බවයි .
කෙසේ වෙතත් එම වරප්‍රසාද ලබාගැනීමට නම් ඡන්දදායකින් තීන්ත සලකුණු කළ ඇගිල්ල ප්‍රදර්ශනය කළ යුතු බවයි ඉන්දීය මාධ්‍ය වාර්තා පවසන්නේ.
මේ සඳහා ප්‍රාන්ත මහාධිකරණය අවසර ලබා දී ඇති අතර , මැතිවරණ මාර්ගෝපදේශ උල්ලංඝනය නොවන ආකාරයෙන් අදාළ කටයුතු සිදු කළ යුතු බවට නියෝග කර තිබීමද විශේෂත්වයක්.
