පොහොර ගැන කෘෂිකර්ම අමාත්‍යාංශයෙන් නිවේදනයක්..

යල කන්නයේ වී වගාව සඳහා ඉන්දියාවෙන් ආනයනය කරන ලද යූරියා පොහොර බෙදාහැරීමේ කටයුතු සාර්ථකව අවසන් වී ඇති බව කෘෂිකර්ම අමාත්‍යාංශය සදහන් කළේ ය.

ඒ අනුව හෙක්ටයාර 304,734 ක වගා කර තිබූ ගොවීන් 490,515කට බෙදාහැර ඇති සමස්ත යූරියා පොහොර ප්‍රමාණය මෙට්‍රික් ටොන් 29,740.73ක් බවට ගොවිජන සංවර්ධන දෙපාර්තමේන්තුව සඳහන් කර ඇති බව එම අමාත්‍යාංශය කියා සිටි අතර යල කන්නයේ වැඩිම කුඹුරු ප්‍රමාණයක් උතුරුමැද පළාතේ වගාකර ඇත.

ඒ අනුව එම පළාතට වැඩිම යූරියා පොහොර ප්‍රමාණය බෙදාහැර ඇති අතර එය මෙට්‍රික් ටොන් 9623 ක් වේ.