ශ්‍රි පාද වන්දනාවේ පැමිණි කතක් ඉඳිකටුපානේදී අතුරුදන්. - (PHOTO)
Wayomi
in ශ්‍රී ලංකාවහැටන් මාර්ගය ඔස්සේ ශ්‍රි පාද වන්දනාවේ පැමිණි 80 හැවිරිදි කාන්තාවක් අතුරුදහන් වී තිබෙනවා.
එම කාන්තාවගේ ඥාතින් විසින් සිද්ධිය සම්බන්ධයෙන් මැල්සිරිපුර පොලිසියට පැමිණිලි කර ඇති අතර , එම පැමිණිල්ලේ පිටපතක් නල්ලතන්නිය පොලිසිය වෙත යොමු කර ඇත.
පසුගිය 23 වනදා මැල්සිරිපුර මඩහපොල කන්ද ප්‍රදේශයේ සිට 53 දෙනෙකුගෙන් සමන්විත ශ්‍රි පාද නඩයක් හැටන් මාර්ගය ඔස්සේ ශ්‍රි පාද වන්දනාවේ පැමිණ ඇති අතර, එම නඩය සමග අතුරුදහන් වි ඇති කාන්තාව ඉදිකටුපහණ දක්වා ගමන් කර ඇති බවත්, ඉන් අනතුරුව එම කාන්තාව අතුරුදහන් වි ඇති බවත් පවුලේ ඥාතින් පොලිසිය වෙත පැමිණිලි කර තිබෙනවා.
ඔවුන් වැඩි දුරටත් පවසා ඇත්තේ,එදින ශ්‍රි පාද වන්දාවේ විශාල වන්දනාකරුවන් පිරිසක් පැමිණ සිටි නිසා ඉදිකටුපහණ ප්‍රදේශයේදි ශ්‍රි පාද උඩ මළුව කරුණා කිරිමට දැඩි තද බදයක් පැවති බවත්, එහිදි එම කාන්තාව අතුරුදහන් වී ඇති බවත්ය.
ඒ, අනුව එම කාන්තාව පිළිබඳව තොරතුරු වෙතොත් 076-5484222 / 076-8933096 යන දුරකථන අංකයට දැනුම් දෙන ලෙස පවුලේ ඥාතින් ඉල්ලා සිටිනවා.
