අඟනුන්ට කෙළ හලන O.I.C ලා ඇතුළු පොලිස් නිලධාරීන් ගැන විශේෂ තීරණයක් ගනී.
Wayomi
in ශ්‍රී ලංකාවඅනියම් ඇසුරට ලොල් වී කාන්තාවන් හඹා යන පොලිස් ස්ථානාධිපතිවරුන් ඇතුළු නිලධාරීන් විශේෂ තීරණයක් ගෙන තිබෙනවා.
ඒ, අනුව පොලිස්පති දේශබන්දු තෙන්නකෝන්ගේ උපදෙස් මත මෙම චෝදනා එල්ල වන නිලධාරීන් ගැන වහාම සොයා බලා එම නිලධාරීන් ගැන පොලිස් කොමිසම වෙත දැනුම් දීමටත්, ඔවුන් වහාම තනතුරුවලින් ඉවත් කිරීමට තීරණය කර ඇත.
මේ වනවිටත් එවැනි අයථා සබඳතා පවත්වන ස්ථානාධිපතිවරුන් ගැන ජ්‍යෙෂ්ඨ නියෝජ්‍ය පොලිස්පතිවරුන් දෙදෙනකුම පොලිස්පතිවරයා වෙත පැමිණිලි කර තිබෙනවා.
ඒ, අනුව පොලිසිය වෙත නීතියේ සරණ පතා එන කාන්තාවන් නිල ඇඳුමේ බලය පෙන්වා අනියම් ඇසුරට පොළඹවන පොලිස් නිලධාරීන් මෙන්ම පොලිස් පොඩ්ඩන් ගැන ද බුද්ධි වාර්තා කැඳවීමට පොලිස්පතිවරයා නියෝග කර ඇත.
මේ අතර හමුදා සෙබළකුගේ නිවසට ගොස් බිරිඳ සමග නිදියහනේ සිටියදී අතටම හසුවී හමුදා සෙබළා එල්ල කළ මෝල්ගස් ප්‍රහාරයකින් අසාධ්‍ය තත්ත්වයේ සිටින පදියතලාව පොලිස් ස්ථානාධිපතිවරයාගේ අනියම් සබඳතා ගැන වූ පෙත්සම් හා පැමිණිලි ගැන ප්‍රදේශයේ සහකාර පොලිස් අධිකාරිවරයා එම මොහොතේම ක්‍රියාත්මක වූවා නම් පොලිස් නිල ඇඳුම අවමානයට ලක් නොවන බව පොලිස්පතිවරයා පෙන්වා දෙන්නේ.
එමෙන්ම එම චෝදනාව ලද නිලධාරියා වහාම එම තනතුරින් ඉවත් කර තිබුණා නම් මෙවැනි ඉරණමකට මුහුණ නොදෙන බවත්, පොලිසිය අපකීර්තියට පත් නොවන බවත් පොලිස්පතිවරයා නිලධාරීන්ට දැනුම් දී ඇති අතර මින් ඉදිරියට මෙවැනි පැමිණිලි ලද විගස වහාම විනය ක්‍රියාමාර්ග ගැනීමටත්, පොලිස් කොමිසමට එවැනි නිලධාරීන් ගැන පැමිණිලි කර තනතුරුවලින් නෙරපීමටත් පොලිස්පති දේශබන්දු තෙන්නකෝන් නියෝග කර ඇත.
..................................................................
