ආන්දෝලනාත්මක මරණ ගාණකට හේතුව වුණ රුවන්?. පොලිසියෙන් ජනතාවට විශේෂ දැනුම්දීමක්.. අනිවාර්යයෙන් මේ දේ කරන්න.. (VIDEO)
krishani
in ශ්‍රී ලංකාවපොලිසිය විසින් ජනතාවට විශේෂ දැනුම්දීමක් සිදුකර තිබෙනවා.
ඒ කොට්ටාව ප්‍රදේශයේ දී වස පානය කර මියගිය රුවන් ප්‍රසන්න ගුණරත්න නමැත්තාගේ දේශනාවලට සවන්දුන් අයෙකු තම නිවෙස්වල සිටී නම් ඔවුන් පිළිබඳව දැඩි සැළකිල්ලකින් පසුවන ලෙසයි.
ඔහු විසින් ප්‍රදේශ රැසක දේශනා සිදුකර තිබෙනවා.
මේ වන විට ඔහුගේ දේශනාවලට සවන්දුන් පුද්ගලයින් කිහිපදෙනෙකුම සියදිවි හානිකරගෙන ඇති බව පොලිසිය සඳහන් කළේ ය.
ඒ බව විශේෂ මාධ්‍ය හමුවක් පවත්වමින් පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය.
එහිදී පොලිස් මාධ්‍ය ප්‍රකාශකවරයා සඳහන් කළේ, මේ දක්වා මරණ වාර්තා වී ඇති සියලු පුද්ගලයින් ඔහුගේ අවමගුල් උත්සවයට ද සහභාගී වී ඇති බවයි.
මේ අතර, සියදිවි හානිකරගෙන ඇති දේශකයා විසින් සිය දේශනාවලදී සඳහන් කර ඇත්තේ තමන් ගුප්ත විද්‍යාව පිළිබඳව හදාරා ඇති බවයි.
කෙසේ වෙතත්, පොලිස් පරීක්ෂණ වල දී අණාවරණය වී ඇත්තේ ඔහු එවැනි විෂයක් හෝ ආගමික මතවාදයන් පිළිබඳව කිසිදු හැදෑරීමක් සිදුකර නොමැති බවයි.
වැඩිදුර තොරතුරු පහත වීඩියෝවෙන්,
වීඩියෝ දර්ශන - Ada derana
Sponsored By Sarrita Jewellery
