පොලිස් නිලධාරියෙකුගේ අත සපා කෑ පුද්ගලයෙක් සොයා මෙහෙයුම්.

පුද්ගලයෙක් පොලිස් නිලධාරියෙකුගේ අත සපා කා පළා ගොස් ඇති බව ආරච්චිකට්ටුව පොලීසිය පවසනවා.

පොලිස් අණ නොතකා ධාවනය වූ යතුරු පැදියක් අත්අඩංගුවට ගැනීමට යාමේ දී එහි ගමන් කළ අයෙක් මෙම සපා කෑම සිදු කර ඇති බවයි වාර්තා වන්නේ.

පසුගිය 06 වැනි දා රාත්‍රී 10.45ට පමණ හලාවත - පුත්තලම මාර්ගයේ ආරච්චිකට්ටුව - හැළඹවටවන ප්‍රදේශයේ දී මෙම සිද්ධිය සිදු වී ඇති අතර සිද්ධියෙන් තුවාල ලබා ඇත්තේ, ආරච්චිකට්ටුව පොලීසියේ රථවාහන අංශයට අනියුක්ත ව සේවය කරන පොලිස් කොස්තාපල්වරයෙක්.

පසු ව ඔහු හලාවත මහා රෝහලෙන් ප්‍රතිකාර ලබා පිට ව ගොස් ඇති අතර සැකකරු සොයා ආරච්චිකට්ටුව පොලීසිය වැඩිදුර විමර්ශන සිදු කරනවා  

                                                                 Sponsored By Sarrita Jewellery