නිවැසියන් පවා තුෂ්නිම්භූත කළ වෙඩිල්ල. - (VIDEO)

අද (01) අලුයම් කාලයේදී පාදුක්ක මාදුලාව ප්‍රදේශයේ නිවසකට වෙඩි ප්‍රහාරයක් එල්ලකර සැකකරුවන් පළාගොස් තිබෙනවා.

මෙම වෙඩි ප්‍රහාරයට ලක්වූ නිවසේ, පිළියන්දල ප්‍රදේශයේ පිරිසක් තාවකාලිකව නවාතැන් ගෙන සිට ඇත.

පොලිසිය සඳහන් කළේ, එම නිවස ආසන්නයේ වෙනත් ඉඩමක නිවසක් ඉදිකිරීම සඳහා මුල්ගල් තැබීමේ කටයුත්තක් වෙනුවෙන් සහභාගී වීම සඳහා එම පිරිස අදාළ නිවසේ නතරවී සිට ඇති අතර එම නිවස මිලදී ගැනීමේ සූදානමින් ඔවුන් පසුවී ඇති බවත්ය.

නිවසේ සිටි පිරිස නිදා සිටියදී එක්වරම වෙඩි ප්‍රහාරය එල්ලවී ඇති බවත් කලබල වූ පිරිස නිවසේ කුස්සිය වෙත දුව ගොස් සැඟවී ඇති බවත් පසුව පොලිස් හදිසි ඇමතුම් අංකයට දැනුම්දී ඇති බවත් එම නිවැසියන් සඳහන් කරනවා.

සිද්ධිය සම්බන්ධයෙන් පාදුක්ක පොලීසිය වැඩිදුරටත් විමර්ශන සිදු කරනු ලබනවා.