ඉඩ්ලි රෙසිපි 3ක්. ගෙදරදීම හදලා රස බලන්න.
දමිළ ජනතාව අතර විශේෂයෙන්ම ඉන්දියාවේ හරි ජනප්රිය කෑමක් තමයි ඉඩ්ලි කියන්නේ. ඉතින් ඔන්න අද ඔයාලාට දෙන්න හදන්නේ රසම රස ඒ වගේම ගුණ ඉඩ්ලි රෙසිපි 3ක්.
01. පුන්ඩි – රයිස් බෝල්ස්
අවශ්ය ද්රව්ය
🟠 තෙල් ස්වල්පයක්
🟠උළුහාල් තේ හැඳි 1
🟠 කෑලිමිරිස් තේ හැඳි 2
🟠 කරපිංචා ස්වල්පයක්
🟠ගෙදර කොටාගත් හාල්පිටි කෝප්ප 1 (කප්පි සමඟ)
🟠 ලුණු
🟠 ගාගත් පොල් කෝප්ප 1/4
🟠 උණුවතුර කෝප්ප 3
සාදාගන්න ආකාරය
🟠 පෑන් එකක් ලිපේ තියලා තෙල් ටිකක් දාලා රත් වුණාම අබ ටික දාගන්න.
🟠 මේකට උළුහාල්, කෑලිමිරිස් හා කරපිංචා දාලා බැදෙන්න අරින්න.
🟠 ටිකකින් හාල්පිටි ටික දාලා රස අනුව ලුණු දාගන්න.
🟠 පොල් ටික එකතු කරලා කලවම් කරලා උණුවතුර එකතු කරන්න.
🟠 හොඳට හැඳි ගාලා හාල්පිටි වලට වතුර උරාගත්තට පස්සෙ මිශ්රණය එකට ඇලෙන ගතියට එනවා. ඒ වෙලාවෙදි ලිපෙන් බාගන්න.
🟠 දැන් මේකෙන් බෝල හදලා යන්තම් පැතලි කරන් මැදින් උළුදු වඩේ වගේ පොඩි වලක් හදලා ස්ටීමර් එකේ දාලා පැය කාලක් ස්ටීම් කරගන්න.
02. බනානා රයිස් ඉඩ්ලි
අවශ්ය ද්රව්ය
🔵 ග්රයින්ඩ් කරගත් බත් කෝප්ප 1/4
🔵 කුරක්කන් පිටි හෝ රුලං කෝප්ප 1/2
🔵 පෙති කපාගත් ලොකු කෙසෙල් ගෙඩි 1
🔵 ගා ගත් පොල් කෝප්ප 1/4
🔵 උණු කරගත් හකුරු කෝප්ප ¼ (අත්යාවශ්ය නැහැ)
🔵 ලුණු
🔵 බේකින් සෝඩා තේ හැඳි 1/2
🔵 වතුර
🔵 බටර් තේ හැඳි 2
සාදාගන්න ආකාරය
🔵 බත්, කුරක්කන් හෝ රුලං, ගා ගත් පොල්, ලුණු, වතුර, බටර්, හකුරු හා අන්තිමට බේකින් සෝඩා එකතු කරන්න. හොඳින්
🔵 කලවම් කරන් කෙසෙල් එකතු කරගෙන පොඩි කරමින් කලවම් කරන්න.
🔵 මේක ඉතා ඝනකමට හෝ දියාරුවටත් නැති සාමාන්ය බැටර් එකක් වෙන්න ඕන.
🔵 සාදාගත් මිශ්රණය විනාඩි 15 ක් විතර තියන්න.
🔵 ඉඩ්ලි ස්ටීමරේ කප්ස් වලට බටර් හෝ තෙල් ටිකක් ගා ගන්න.
🔵 ඊළඟට මිශ්රණයෙන් ස්වල්පය බැඟින් ගෙන කප්ස් වලට පුරවලා, විනාඩි 10ක් පමණ ස්ටීම් කරගන්න.
03. මුං ඩාල් ඉඩ්ලි
අවශ්ය ද්රව්ය
🟣 මුං පරිප්පු කෝප්ප 1
🟣 වතුර කෝප්ප 1/2
🟣 මුදවපු කිරි හෝ යෝගට් කෝප්ප ¼
🟣 තෙල් තේ හැඳි 2
🟣 අබ තේ හැඳි 1/2
🟣 සූදුරු තේ හැඳි 1
🟣 කඩල පරිප්පු තේ හැඳි 1
🟣 පොඩියට කපාගත් මිරිස් කරල් 2
🟣 චොප් කර ගත් ඉඟුරු කැබැල්ලක්
🟣 කරපිංචා ස්වල්පයක්
🟣 චොප් කර ගත් කජු ටිකක්
🟣 ග්රේට් කර ගත් කැරට් කෝප්ප 1/2
🟣 කොත්තමල්ලි කුඩු තේ හැඳි 1/2
🟣 ලුණු තේ හැඳි 1
සාදාගන්න ආකාරය
🟣 මුං පරිප්පු හා වතුර පැය 2 ක් විතර පෙඟෙන්න තියන්න.
🟣 ඊළඟට ඒක ස්මූත් බැටර් එකක් එන විදිහට බ්ලෙන්ඩ් කරගන්න.
🟣 වෙනත් භාජනයකට ඒ බැටර් එක දාගෙන, එයට මුදවපු කිරි දාලා හොඳට මික්ස් කරගන්න.
🟣 පෑන් එකක් ලිපේ තියලා තෙල් දාලා, රත් වෙන්න තියලා එයට අබ, සූදුරු, කඩල පරිප්පු, මිරිස්, ඉඟුරු, කරපිංචා හා කජු ටික දාලා හොඳට රන්වන් පැහැවන තුරු තෙම්පරාදු කරගන්න.
🟣 ඒකට කැරට් දාලා විනාඩි 2ක් විතර නැවත තෙම්පරාදු කරගන්න.
🟣 දැන් කලින් සදා ගත් බැටර් එකට ඒ ටික දාන්න.
🟣 කොත්තමල්ලි කුඩු හා ලුණු දලා හොඳින් කලවම් කරන්න.
🟣 ඉඩ්ලි ස්ටීමරේ කප්ස් වලට තෙල් ටිකක් ගා ගන්න.
🟣 සදාගත් බැටර් එක කප්ස් වලට දාගෙන විනාඩි 15 ක් විතර ස්ටීම් කරගන්න.
ලෝකයේ කොහේ සිටියත් වැදගත් දේ ගැන විස්තර සවිස්තරාත්මකව දැන ගන්න එක් වෙන්න පුවත් WhatsApp සමඟ |