විමල් වීරවංශ වහා අත්අඩංගුවට ගෙන අධිකරණයට ඉදිරිපත් කිරීමට වරෙන්තුවක්..

පාර්ලිමේන්තු මන්ත්‍රී විමල් වීරවංශ මහතා වහාම අත්අඩංගුවට ගෙන අධිකරණයට ඉදිරිපත් කිරීමට අද (13) කොළඹ ප්‍රධාන මහේස්ත්‍රාත් ප්‍රසන්න අල්විස් මහතා වරෙන්තු නිකුත් කර ඇත.

ඒ ඔහු ඇතුළු සැකකරුවන් 6 දෙනෙකුට එරෙහිව කුරුඳුවත්ත පොලීසිය ගොනුකළ නඩුවක් කැඳ වූ අවස්ථාවේ  දී ය.

අද (13) දින, විමල් වීරවංශ මහතා පෙනී නොසිටීම හේතුවෙන් මෙම වරෙන්තුව නිකුත් කර ලැබුණේ ය. 

ඒ 2016 වසරේ දී එක්සත් ජාතීන්ගේ සංවිධානයේ මානව හිමිකම් කොමසාරිස් අල් හුසේන් කුමරු ශ්‍රී ලංකාවට පැමිණි මොහොතේ එයට විරෝධතාවය දක්වමින් තිඹිරිගස්යාය සහ තවත් මාර්ග කිහිපයක් අවහිර කිරීම සම්බන්ධව මංමාවත් පනත උල්ලංඝනය කිරීමට එරෙහිව, කුරුඳුවත්ත පොලිසිය විසින් විමල් වීරවංශ මහතා ඇතුළු සැකකරුවන් 6 දෙනෙකුට එරෙහිව එම නඩුව පවරනු ලැබීය.