ලොකු කුඩා භේදයකින් තොරව භාවිතා කරන,පිළිකා,හෘද රෝග පවා ඇතිවිය හැකි විටමින් C - මෙය ඔබ කියවිය යුතුම ලිපියකි..!

පිළිකා පවා ඇති විය හැකි විටමින් C විටමින් කියන්නේ අපේ සිරුරට නැතුවම බැරි දෙයක් .ඒ අතරිනුත් විටමින් C වලට හිමි වෙන්නේ ඉතා වැදගත් ස්ථානයක් . ඇස්කෝර්බික් අම්ලය ලෙසද හැඳින්වෙන විටමින් C ඔබේ සෛල නිරෝගීව තබා ගන්නා අතර ශරීරය පුරා පටක වර්ධනයට හා අලුත්වැඩියාවටද උදව් වෙනවා .

ඒ වගේම සම නම්‍යශීලීව තබා ගැනීමට, යකඩ අවශෝෂණයට උදව් කිරීමට, තුවාල සුව කිරීමටත් විටමින් C අත්‍යවශ්‍යයි .ඒ වගේම එය ඔබේ අස්ථි, දත්, කාටිලේජ සහ රුධිර වාහිනී හොඳ ක්‍රියාකාරී තත්ත්වයක තබා ගැනීමට ද උපකාරී වෙනවා. දැන් තේරෙනවානේ විටමින් C කියන්නේ මිනිස් සිරුරට නැතුවම බැරි දෙයක් .

ඒ වුණාට කතාවක් තියෙනවනේ ඕනම දෙයක් ඕනෑවට වඩා ඕනෙම නැහැ කියලා .මේ දේ විටමින් C වලටත් අදාලයි .මොකද විටමින් C ප්‍රමාණය ඉක්මවා පරිභෝජනය මඟින් අහිතකර ප්‍රතිවිපාක රැසක් ඇති වෙන්න පුළුවන් . අද අරගෙන ආවේ විටමින් C ඕනෑවට වඩා පරිභෝජනයෙන් ඇතිවන අතුරු ආබාධ පිළිබදවයි.

ඔක්කාරය

විටමින් C අධික ලෙස ගැනීමෙන් ආමාශයේ කැක්කුම, පාචනය සහ ඔක්කාරය ඇති වෙන්න පුළුවන් .මෙම තත්ත්වය ඇති වෙන්නේ විටමින් ආහාර ජීර්ණ පද්ධතිය මගින් කාර්යක්ෂමව අවශෝෂණය නොකළ විටයි . මෙම ගැටළු ඇති කළ හැකි විටමින් C ප්‍රමාණය පුද්ගලයාගෙන් පුද්ගලයාට වෙනස් වෙනවා . සමහරු දිනකට විටමින් C ග්‍රෑම් 3 ට වැඩි අතිරේක ආහාර ගැනීමෙන් පසු ගැටළු වාර්තා කළ අතර තවත් සමහරු මේවාට මුහුණ දුන්නේ දිනකට ග්‍රෑම් 10 ක් පමණ පරිභෝජනයෙනි.

වකුගඩු ගල්

ශරීරයේ සිදු වෙන පරිවෘත්තීය ක්‍රියා වල ප්‍රතිඵලයක් ලෙස විටමින් C වලින් ඔක්සලේට් නම් සංයෝග නිපදවනවා .ඔක්සලේට් සාමාන්‍යයෙන් මුත්‍රාවලින් බැහැර කිරීම් සිදු වෙනවා. ඔක්සලේට් ඉහළ මට්ටම් රුධිර ප්‍රවාහයේ කැල්සියම් සමඟ සංයෝජනය වී වකුගඩු ගල් ඇතිවීමේ අවදානම වැඩි කිරීමට හේතු වෙනවා . එබැවින් වකුගඩු ගල් ඇතිවීමේ ප්‍රවණතාවක් ඇති හෝ වෙනත් වකුගඩු ආබාධ ඇති පුද්ගලයින් ඉහළ මාත්‍රාවකින් විටමින් C අතිරේකය ලබා ගැනීමෙන් වැළකී සිටිය යුතුයි .

යකඩ ප්‍රමාණය වැඩි වීම

විටමින් C මගින් Non-heme iron අවශෝෂණය වැඩි කරන අතර එමඟින් යකඩ ඌනතාවය රක්තහීනතාවය වැළැක්වීමට උපකාරී වේ. Non-heme iron යනු ශාක පදනම් වූ ආහාර වලින් ලබා ගන්නා යකඩ වන අතර මස් වලද යම් ප්‍රමාණයකට දක්නට ලැබේ. Non-heme iron ශාක ආහාර වල දක්නට ලැබෙන්නේ කලාතුරකිනි.

ඉතින් විටමින් C අධික ලෙස ආහාරයට ගැනීම පුද්ගලයින්ගේ යකඩ අවශෝෂණය වැඩි දියුණු කළ හැකි අතර සමහර විට යකඩ විෂ වීමට හේතු විය හැක. විශාල වශයෙන් මෙය නිරෝගී පුද්ගලයන්ට බලපෑමක් ඇති නොකරයි. කෙසේ වෙතත්, ශරීරය අනතුරුදායක ලෙස විශාල යකඩ ප්‍රමාණයක් අවශෝෂණය කරන දුර්ලභ රෝගයක් වන පාරම්පරික හීමොක්‍රොමැටෝසිස් රෝගයෙන් පෙළෙන අය, දිගු කාලයක් පුරා විටමින් C අධික මාත්‍රාවලින් පරිභෝජනය කළහොත් පටක වලට හානි විය හැක.

හෘද වාහිනී රෝග 

විටමින් C ශරීරය රෝගවලින් ආරක්ෂා කරන ප්‍රතිඔක්සිකාරක ගුණ සඳහා ප්‍රසිද්ධයි . නමුත් විටමින් C අධික ලෙස පරිභෝජනය, වෙනත් අභ්‍යන්තර රෝග පවතින පුද්ගලයින් තුළ හෘද වාහිනී රෝග ඇති කිරීමට සමත් වෙනවා . එසේම දිනකට විටමින් C අතිරේක 300 mg ට වඩා පරිභෝජනය කිරීම දියවැඩියාවෙන් පෙළෙන මෙන්ම පශ්චාත් ආර්තවහරණයෙන් පෙළෙන කාන්තාවන් අතර හෘද වාහිනී රෝග ඇති වීමේ අවදානම ඉහළ යාමට හේතු විය වේ.

රුධිරය තුනී කිරීම

විටමින් C ඇතැම් ඖෂධ සමඟ අහිතකර ලෙස ප්‍රතික්‍රියා කරන බව සොයාගෙන තියෙනවා .එසේම විශේෂඥ්ඥයන් පවසන්නේ රුධිර තුනී වීම හේතුවෙන් පීඩා විඳින පුද්ගලයින් දිනකට විටමින් C ග්‍රෑම් 1 කට වඩා නොගත යුතු අතර ඔවුන්ගේ රුධිර කැටි ගැසීමේ යාන්ත්‍රණය නිතිපතා නිරීක්ෂණය කළ යුතු බවයි. එසේම විටමින් C අධිකව පරිභෝජනය මගින් DNA වෙනස් කර හානි කළ හැකි අතර පිළිකා වැනි රෝග පවා ඇති වෙන්න පුළුවන් .

වැඩිහිටි පිරිමින් සඳහා විටමින් C නිර්දේශිත මාත්‍රාව දිනකට 90 mg වන අතර වැඩිහිටි කාන්තාවන් සඳහා යෝජිත මට්ටම 75 mg වේ. කෙසේ වෙතත් ගර්භනී කාන්තාවන්, කිරි දෙන මව්වරුන්, දුම් පානය කරන්නන්, පිළිස්සුම් තුවාල ලැබූවන් සහ ශල්‍යකර්මයෙන් සුවය ලබන අයට වෛද්‍යවරයා විසින් නිර්දේශ කරන පරිදි වැඩි විටමින් C අවශ්‍ය විය හැකිය.

ඒ වගේම විටමින් C අපගේ ශරීරයෙන් සෑදිය නොහැකි අතර අපගේ ආහාර වේලෙන් සහ අවශ්‍ය නම් අතිරේකවලින් අප එය ලබාගත යුතුයි. එය ශරීරයේ ගබඩා නොවන අතර අතිරික්ත ප්‍රමාණයක් ඉවත් කරනු ලබනවා. එබැවින්, එහි විෂ සහිත බව ඉතා අඩු වන අතර අධිකව පරිභෝජනය මාරාන්තික නොවේ.එය එසේ වුවත්, අධික ලෙස ගැනීම සමහර අතුරු ආබාධ සමඟ සම්බන්ධ විය හැකියි.