"අපි දැනගන්න ඕනේ අපේ ආරක්ෂාව බලාගෙන වැඩ කරන්න.." - ඇමති ටිරාන්ට ආ තර්ජනය. (VIDEO)

තමන්ගේ ජීවිත ආරක්ෂාවට මේ වනවිට යම් තර්ජනයක් එල්ල වී ඇති බව බුද්ධි අංශ වාර්තා කර ඇති බව මහජන ආරක්ෂක අමාත්‍ය ටිරාන් අලස් සඳහන් කළේ ය.

ඒ මහජන ආරක්ෂක අමාත්‍යාංශයේ පැවැත්වෙන විශේෂ මාධ්‍ය හමුවට එක්වෙමින් ය.

එහිදී අමාත්‍යවරයා කියා සිටියේ,

"මට බුද්ධි අංශ වාර්තාවක් ලැබිලා තියෙනවා මෙහෙම තර්ජනයක් තියෙන්න පුළුවන් කියලා.නමුත් ඉතින් එහෙම තර්ජන තිබුණට මම මේ තනතුර භාර අරගෙන තියෙන්නේ මේ වැඩේ කරන්නනේ.දැන් මම මෙතැන ඉන්නකල් මත්ද්‍රව්‍ය අල්ලන එක පාතාලය නැති කරන එක මම කරන්න ඕනේ.ඒ හින්දා එහෙම තියෙයි.අපි දැනගන්න ඕනේ අපේ ආරක්ෂාව බලාගෙන වැඩ කරන්න.එහෙම තර්ජන තිබුණා කියලා නම් මම අඩියක් පස්සට තියන්නේ නෑ.එහෙම වුණොත් මම තව අඩියක් ඉස්සරහට තියනවා මිසක් පස්සට තියන්නේ නෑ.."  යනුවෙන් ය.

දර්ශන අයිතිය - Ada Derana