තිළිණි ප්‍රියමාලි අධිකරණයට..

රක්ෂිත බන්ධනාගාරගතව සිට පසු ඇප නියම වූ තිළිණි ප්‍රියමාලි අද (27) දින කොටුව මහේස්ත්‍රාත් අධිකරණයට පැමිණ නඩු 08ක් සඳහා ඇප කොන්දේසිවලට අත්සන් කරනු ලැබුවා ය.

පසුගිය දා රුපියල් 50,000 බැගින් ශරීර ඇප 08ක්, රුපියල් මිලියන 10 බැගින් වූ ශරීර ඇප 20ක් ඇයගේ මව, පියා, ස්වාමි පුරුෂයා ඇතුළු පිරිසක් විසින් ඇප තැන්පත් කරනු ලැබුවේ ය.

ඒ අනුව අද දින ඇය කොටුව මහේස්ත්‍රාත් අධිකරණයට පැමිණ ඇප කොන්දේසි අත්සන් කරනු ලැබු අතර පසුගිය කාලසීමාවේ දී ඇයට එරෙහිව අධිකරණයේ නඩු විභාගයට ගත් අවස්ථාවේ දී ඇය අධිකරණය හමුවේ පෙනී නොසිටියත් අද දින බන්ධනාගාර නිලධාරින්ගේ ආරක්ෂාව යටතේ පැමිණ ඇප අත්සන් කර ඇත.

කෙසේවෙතත් ඉන්පසු ඇය යළි බන්ධනාගාරය වෙත රැගෙන ගොස් ඇත.