අත්දෙක කැපූ කඩුව සොයාගෙන..

මොරටුවේ දී පුද්ගලයෙකුගේ අත්දෙක කැපූ කඩුව එගොඩඋයන මෝසස් පාරේ මුහුදේ ගල් අතර තිබී අද (26) පෙරවරුවේ සොයා ගත් බව ගල්කිස්ස කොට්ඨාස අපරාධ කොට්ඨාසය පවසයි.

සැකකරු විසින් එම දෑත් එගොඩඋයන ප්‍රදේශයේ පිහිටි පාළමකින් මුහුදට දමා ඇති බවට සිදුකළ ප්‍රශ්න කිරීම්වල දී අනාවරණ වී ඇත.

පසුගිය 21 වැනිදා රාත්‍රියේ සැකකරු විසින් තියුණු ආයුධයකින් පහර දී තිබුණේ 40 හැවිරිදි පුද්ගලයෙකුට වන අතර පහරකෑමෙන් දෑත් අහිමි වූ දෙදරු පියෙකු වන එම පුද්ගලයා මේ වනවිටත් පානදුර රෝහලේ ප්‍රතිකාර ලබයි.