අගෝස්තු 1වනදා සිට් ඇරඹෙන "පාසල් සේවය" - විශේෂ දැනුම්දීමක්

ගුරුවරුන්ට සහ සිසුන්ට පාසල් පැමිණීමට අගෝස්තු 01 දා සිට පාසල් සේවාව නමින් නව පෞද්ගලික බස් රථ සේවාවක් ආරම්භ කිරීමට පියවර තිබෙනවා.

ඒ අනුව අගෝස්තු 01 දා සිට බස් නාම පුවරුවල අදාළ පාසල් නාමයන් සඳහන් කරමින් දෛනික ගමන්වාර දෙකක් වශයෙන් මෙම බස් රථ ධාවනයේ යෙදෙනු ඇති.

මේ සදහා ගුරු- සිසු දෙපිරිසට ම මුදල් ගෙවා අපහසුවකින් තොර ව මෙම ප්‍රවාහන සේවය සලසාගත හැකි බවද අධ්‍යාපන අමාත්‍යංශය සදහන් කළා.

දරුවන්ට අපහසුවකින් තොර ව පාසල් පැමිණීම සඳහා ප්‍රවාහන පහසුකම් විධිමත් ව සැපයීම සම්බන්ධයෙන් අධ්‍යාපන අමාත්‍ය සුසිල් ප්‍රේමජයන්තගේ ප්‍රධානත්වයෙන් අද පැවති සාකච්ඡාවකදීයි මෙම පියවර ගෙන ඇත්තේ.