මත්තල වැඩ අරඹයි. රුසියාවේ ‘රෙඩ් වින්ග්ස්" මංගල ගමන මත්තලට.

රුසියාවේ ‘රෙඩ් වින්ග්ස්’ ගුවන් සේවය අද සිට ශ්‍රී ලංකාව දක්වා ගුවන් ගමන් ඇරඹුවා.

ආරම්භයේදීම ‘රෙඩ් වින්ග්ස්’ ගුවන් සේවයට අයත් යානයක් මත්තල රාජපක්ෂ ජාත්‍යන්තර ගුවන්තොටුපොළ වෙත පැමිණ තිබෙනවා.

සිවිල් ගුවන්සේවා අධිකාරිය පවසන්නේ, එම ගුවන් සේවය සතියට දෙවරක් ශ්‍රී ලංකාවට ගුවන් ගමන් සිදු කිරීමට නියමිත බවයි.

පළමු ගුවන් යානයෙන් රුසියානු සංචාරකයින් 398 දෙනෙකු මෙරටට පැමිණි අතර මේ සමඟ රුසියාව හා ශ්‍රී ලංකාව අතර ක්‍රියාත්මක සෘජු ගුවන් සේවා සංඛ්‍යාව 3ක් දක්වා ඉහළ යනු ඇති.