ජනපති ගත් අලුත් තීරණය..

ඊයේ (27) මධ්‍යම රාත්‍රියෙන් 09 වන පාර්ලිමේන්තුවේ 03 වන සැසිවාරය අවසන් කිරීමට අදාළ ගැසට් නිවේදනය ජනාධිපති ලේකම් සමන් ඒකනායක මහතා විසින් නිකුත් කර ඇත.

ඒ අනුව 09 වන පාර්ලිමේන්තුවේ 04වන සැසිවාරය එළඹෙන පෙබරවාරි 08 වන දින පෙ.ව 10.00ට ජනාධිපති රනිල් වික්‍රමසිංහ මහතාගේ ප්‍රධානත්වයෙන් විවෘත වීමට නියමිතයි.

ඒ අනුව 75වන නිදහස් දින සැමරුමත් සමග රට තුළ ක්‍රියාත්මක කිරීමට යෝජිත නව ප්‍රතිපත්ති, නව නීති හා පනත් සහ 2023-2048 කාලසීමාවේ නිදහස් සියවස් සැමරුම දක්වා ක්‍රියාත්මක කළ යුතු වැඩපිළිවෙල පිළිබඳ එම ප්‍රතිපත්ති ප්‍රකාශය මගින් පාර්ලිමේන්තුවට ඉදිරිපත් කිරීමට නියමිත බව ජනාධිපති මාධ්‍ය අංශය සඳහන් කළේ ය.