ජනාධිපතිවරණය ගැන ජනපති රනිල්ගෙන් විශේෂ ප්‍රකාශයක්..

විපක්ෂය කුමන මත පළ කළද තමා ජනාධිපතිවරණය අනිවාර්යයෙන්ම පවත්වන බව ජනාධිපති රනිල් වික්‍රමසිංහ මහතා පවසනවා. අයවැයෙන් මුදල් වෙන්කලේ ජනාධිපතිවරණයට පමණක් බැවින් අනිවාර්යයෙන්ම ජනාධිපතිවරණය පවත්වන බවයි ජනාධිපතිවරයා සදහන් කළේ.

ඔහු මේ බව කියා සිටියේ ආණ්ඩු පක්ෂයේ මන්ත්‍රී කණ්ඩායම් රැස්වීම ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ පස්වරුවේ ජනාධිපති මන්දිරයේදී රැස්වූ අවස්ථාවේදී.

විපක්ෂය මේ වන විට තමා ජනාධිපතිවරණය නොපැත්වීමට උත්සාහ කරන බව පැවසුවත් එය එසේ නොවන බවයි ජනාධිපතිවරයා සදහන් කළේ.

එමෙන්ම පසුගිය සමය ඉතාම දුෂ්කර කාලයක් වූ බවත් පැවසූ ජනාධිපතිවරයා එම දුෂකර කාලය තුළ ආණ්ඩුව පවත්වාගෙන යාමට ලබාදුන් සහයෝගය සම්බන්ධයෙන් හිටපු ජනාධිපති මහින්ද රාජපක්ෂ මහතා ඇතුළු ශ්‍රී ලංකා පොදුජන පෙරමුණට ස්තූතිවන්ත වන බවද ප්‍රකාශ කළා.