ලැප්ටොප් 15ක්,ටැබ් 03ක් සහ ලක්ෂ 12කට අධික මුදලක් සොරකම් කළ අමුතු සොරෙකු අත්අඩංගුවට..

දිවයිනේ ප්‍රදේශ කිහිපයක ඇගළුම් කර්මාන්තශාලා සහ ව්‍යාපාරික ආයතන රැසකට ඇතුලු වී දේපල සහ මුදල් සොරකම් කළ පුද්ගලයෙකු ඊයේ (21) නවගමුවේ දී පොලිසිය විසින් අත්අඩංගුවට ගෙන ඇත.

28 හැවිරිදි සැකකරු නුගේගොඩ ප්‍රදේශයේ කුලී නිවාස හා ලැගුම්හල්වල තාවකාලිකව රැදී සිටිමින් මෙම සොරකම්වල නිරත වී ඇත.

නවගමුව, ගල්කිස්ස,පූගොඩ, කොස්ගොඩ, අවිස්සාවේල්ල සහ හුංගම ප්‍රදේශවල ඇගළුම් සහ පෞද්ගලික ආයතනවල සේවය කරමින් ලැප්ටොප් පරිගණක 15ක්, ටැබ් යන්ත්‍ර 03ක් සහ ලක්ෂ 12කට අධික මුදලක් ඔහු සොරකම් කර ඇත.

සැකකරු මත්ද්‍රව්‍යවලට ඇබ්බැහි වුවෙකී.